د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په زابل کې د یوه قوماندان په ګډون ۱۶ پولیس طالبانو ته تسلیم شوي

په زابل کې د یوه قوماندان په ګډون ۱۶ پولیس طالبانو ته تسلیم شوي

Jan 18, 2020 - 20:29

کندهار (پژواک، ۲۸ مرغومی ۹۸): د زابل ولایت په ارغنداب ولسوالۍ کې د یوه قوماندان په ګډون ۱۶ پولیس له خپلو وسلو او وسایطو سره یو ځای طالبانو ته تسلیم شوي دي.

د زابل ولایت یوې امنیتي سرچینې چې نه یې غوښتل نوم یې واخیستل شي، پژواک خبري اژانس ته وویل، د دغه ولایت د ارغنداب ولسوالۍ په مرکز کې مېشت پولیس ۱۶ تنه پولیس له خپلو ۳۰ میله وسلو او ۳ وسایطو سره یو ځای وسله والو طالبانو ته تسلیم شوي دي.

دغه سرچینه وايي، دغه پولیس له هغه وروسته تسلیم شول چې طالبانو ورباندې برید وکړ او په جګړه کې يې ۳ نور ملګري ووژل شول.

د یادې شوې سرچینې په حواله، دغو پولیسو ته له تېرو څو ورځو راهیسې اکمالات نه وو شوي.

بل خوا وسله والو طالبانو رسنیو ته په استول شوې خبرپاڼه کې ویلي چې د ارغنداب ولسوالۍ نوی مرکز یې نیولی چې په دې وروستیو کې دغه ځای ته لېږدول شوی و.

د دې ډلې ویاند قاري یوسف احمدي وايي، ۱۶ تنه پولیس او د هغوی دوه قوماندانان دوی ته تسلیم شوي دي.

حکومتي چارواکي رسماً په دې اړه څه نه وايي.

زابل د هېواد په سوېل کې له ناامنه ولایتونو دی چې په یو شمېر برخو کې یې وسله وال طالبان فعالیت لري.

نښه: 

ورته راپورونه:

نظر ورکړئ

اعلانونه

Advertisement