د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

فاریاب کې وسله والو کسانو د ماشومانو په ګډون د یوې کورنۍ شپږ غړي وژلي

فاریاب کې وسله والو کسانو د ماشومانو په ګډون د یوې کورنۍ شپږ غړي وژلي

Jan 19, 2020 - 14:52

میمنه (پژواک، ۲۹ مرغومی ۹۸): د فاریاب سیمه ییز مسوولین په دغه ولایت کې د وسله والو طالبانو له خوا د ماشومانو او ښځو په ګډون د یوې کورنۍ د شپږو غړو د وژل کېدو ادعا کوي خو طالبانو د دې موضوع په اړه د څېړنو خبر ورکړی دی.

د اندخوی ولسوال سلطان محمد سنجر پژواک خبري اژانس ته وویل: «د طالبانو اړوند وسله والو کسانو تېره شپه شاوخوا لس بجې د اندخوی ولسوالۍ د مرکز لوېدیځ ته په یو کیلومترۍ کې د اورګنجې خانه کلي د یونس قره په نوم د چا کور ته ننوتلي او ډزې یې کړې دي.»

د نوموړي په خبره، د یادو کسانو په ډزو کې د یونس قره د درېیو لورڼو، دوو زامنو او یوه لمسي په ګډون د یادې کورني شپږ غړي وژل شوي او یوه مېرمن او یو د ۴۰ ورځو ماشوم ټپیان شوي دي.

هغه د یادې پېښې لامل انتقام اخیستونکی عمل وباله او زیاته یې کړه: «د یونس قره یو زوم چې د شېرین تګاب ولسوالۍ اوسېدونکی دی، مخکې یې د طالبانو په لیکو کې فعالیت درلود، خو له څه مودې راهیسې یې وسله لرې کړې او اندخوی ته راغلی، عادي ژوند یې کاوه، له همدې امله طالبانو په جنایت لاس پورې کړی.»

د طالبانو یوه مسوول له پژواک خبري اژانس سره د ټيلېفوني اړیکې په ترڅ کې دغه پېښه تایید کړې، خو ویې ویل چې ساحه د دولت تر واک لاندې ده او دغه کار د دې ډلې نه دی، سره له دې به هم یاده قضیه وڅېړي.

په اندخوی کې د طالبانو بل مسوول ملا امین له یادې پېښې بې خبري وښوده، ویې ویل چې د بیدار، توپان او ملا امین په نومونو د دوی درې سرګروپان چې د دولت له خوا د دې کورنۍ د غړو پر قتل تورن شوي، اوس مهال په پاکستان کې دي.

ورته راپورونه:

نظر ورکړئ

اعلانونه

Advertisement