د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مولانا فضل الرحمن: افغان جهاد ته ځوانان د امريکا په غوښتنه هڅول کېدل

مولانا فضل الرحمن: افغان جهاد ته ځوانان د امريکا په غوښتنه هڅول کېدل

Jan 19, 2020 - 11:28

کابل (پژواک، ٢٩ مرغومى ٩٨): د پاکستان د يوې مذهبي ډلې مشر مولانا فضل الرحمن وايي، دا به وروسته معلومه شي چې د طالبانو رامنځته کولو او پر وسلو د ځوانانو د روږدي کولو تر شا د مدرسو لاس و، که د پوځ او استخباراتو.

نوموړي دغه څرګندونې د تېرې پنجشنبې په ورځ په يوه علمي سيمينار کې کړې دي او د دې څرګندونو ويډيو په ټولنيزو شبکو کې مشهوره شوې ده.

هغه د پاکستان پر حکومت کلکه نيوکه کړې چې ګواکې په دغه هېواد کې يې د ديني مدرسو پر ضد اقدامات او دسيسې پيل کړې دي.

نوموړى وايي، داسې ويل کېږي چې ګواکې د ترهګريزو فعاليتونو تر شا ديني مدرسې دي او دا ادعا يې په کلکه رد کړې ده.

مولانا فضل الرحمن زياته کړې: ((په يوه مذهبي ټولنه کې ځوانان جهاد ته هڅونه د افغان جهاد پر مهال د امريکا او مغربي هېوادونو په غوښتنه پيل شوه.))

د هغه په وينا، امريکا د خپلو ګټو لپاره د جهاد په نامه له مذهبي ډلو قربانۍ غوښتې، په ديني مدرسو کې دا شى ډېر شو، خو اوس له ١٨ کلونو وروسته دغه کار د دوى د ډلې (جمعيت علماء اسلام) له خوا کنټرول شوى دى.

ده زياته کړې: ((دا به وروسته تاريخ په ډاګه کړي چې په پاکستان کې د طالبانو رامنځته کولو او پر وسلو د ځوانان روږدي کولو کې د چا لاس و؟ ايا د دې تر شا د مدرسو لاس و، که د پوځ او استخباراتو؟ دا به هر څه وروسته روښانه شي.))

د يادونې ده، په پاکستان کې زرګونه خصوصي مدرسې شته چې ځينې يې په مذهبي ډلو پورې تړاو لري، خو اوس د پاکستان حکومت پلان لري چې دا ټولې خصوصي مدرسې د حکومت تر کنټرول لاندې راولي.

خو د مولانا فضل الرحمن په ګډون ګڼ شمېر مذهبي ګوندونه د پاکستان د حکومت د دې پرېکړې مخالفت کوي.

ورته راپورونه:

نظر ورکړئ

اعلانونه

Advertisement