د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پاکستاني پوځيانو بريد کې درې افغان سرحدي سرتېري ټپيان شوي

د پاکستاني پوځيانو بريد کې درې افغان سرحدي سرتېري ټپيان شوي

Jan 20, 2020 - 18:14

اسعد اباد (پژواک، ٣٠ مرغومى ٩٨): د کونړ ولايت په سرکاڼو ولسوالۍ کې پاکستاني پوځيانو پر افغان ځواکونو بريد کړى چې په ترڅ کې يې درې افغان سرحدي سرتېري ټپيان شوي دي.

د کونړ د والي وياند عبدالغني مصميم د مرغومي په ٣٠ مه پژواک خبري اژانس ته وويل چې نن شاوخوا دوه بجې پاکستاني پوځيانو د سرکاڼو ولسوالۍ په ناواپاس سيمه کې د افغان ځواکونو پر پوستې بريد کړى دى.

هغه وايي چې په دغه بريد کې درې افغان سرحدي سرتېري ټپيان شوي دي.

د نوموړي په وينا، افغان ځواکونو هم وروسته پر پاکستاني پوځيانو ډزې کړي او له خپلې خاورې يې دفاع کړې ده.

ده وويل چې سيمې ته تازه دمي ځواکونه رسېدلي، خو تر درېيو ساعتونو نښتې وروسته اوس په سيمه کې جګړه نشته .

د نوموړي په وينا، پاکستاني ځواکونو د همدې ولسوالۍ د ناوې په ولسي سيمې هم د توغندي بريد کړى، خو چاته په کې زيان نه دى اوښتى.

د يادونې ده چې له څو کلونو راهيسې پاکستاني ملېشه د کونړ ولايت په بېلابېلو سيمو توغندي را توغوي چې له امله يې يو شمېر کسانو ته مرګ ژوبله اوښتې او ځينې نور بيا د خپلو کورونو پرېښودو ته اړ شوي دي.

ورته راپورونه:

نظر ورکړئ

اعلانونه

Advertisement