د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بغلان کې د وزلوبې سیالۍ پیل شوې

په بغلان کې د وزلوبې سیالۍ پیل شوې

Jan 20, 2020 - 16:02

پلخمری (پژواک، ۳۰ مرغومی ۹۸): د بغلان ولایت په مرکزي بغلان ولسوالۍ کې د شمالي ولایتونو د وزلوبې سيالۍ پیل شوې.

په دې اړه بغلان کې د وزلوبې فدراسیون مسوول حاجي کمال د مرغومي په ۳۰مه پژواک خبري اژانس ته وویل چې وزلوبه د هېواد د شمالي ولایتو د اوسېدونکو ډېره پخوانۍ عنعنوي لوبه ده چې هر کال يې د ژمي په موسم کې ترسره کوي.

دی وايي افغانستان کې د جګړې له امله نور هر څه بدل شوي خو یواځې وزلوبه ده چې د پخوا په شان دوام لري.

د نوموړي د معلوماتو له مخې، د وزلوبې په دغو سياليو کې د شمالي ولايتونو نږدې ٩٠ پهلوانانو ګډون کړى خو ٢٥ يې بيا ډېر تکړه پهلوانان دي.

همدارنګه د بغلان د ورزشي امریت مسوول احمدشاه مومني پژواک ته وويل چې د وزلوبې سیالۍ د ترسره کولو لپاره ځانګړى لګښت په کار نه دى.

هغه وايي: ((دا يوه عنعنوي لوبه ده چې د قومي مشرانو او مينه والو ډالۍ يې لګښت پوره کوي.))

د نوموړي په وينا، څو ځلې يې هڅې کړې څو د وزلوبې د ترسره کولو لپاره يو مناسب ميدان جوړ کړي خو تر اوسه نه دى توانېدلى.

دغه راز د يادې لوبې يوه ګډونوال پهلوان صمد پژواک ته وويل چې له تېرو ٤٠ کلونو راهيسې وزلوبه کوي.

ده زياته کړه: ((ما تر اوسه ډېر ميدانونه ګټلي دي او بيا يي هم ګټم، دا لوبه په ژمې کې سخت خوند کوي.))

د يادې لوبې يوه مينه وال محمد حسن حسين خېل پژواک ته وويل چې پخوا دى هم پهلوان و او وزلوبه به يې ترسره کوله.

هغه وايي: ((زه اوس اتيا کلن يم، اوس مې د بدن غړي کمزوري شوي، د اس سپرلۍ نه شم کولاى نو يواځې په لېدو يې زړه خوشحالوم.))

د يادونې ده، دغه وزلوبه د نن په ګډون درې ورځې دوام کوي.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking