د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د اروزګان اوسېدونکي: له دې وروسته په کلدارو راکړه ورکړه نه کوو

د اروزګان اوسېدونکي: له دې وروسته په کلدارو راکړه ورکړه نه کوو

Jan 23, 2020 - 16:49

ترينکوټ (پژواک، ٣ سلواغه ٩٨): د اروزګان اوسېدونکي وايي چې د افغانيو د دودولو په کمپاين کې له حکومت سره پوره همکاري کوي او تر دې وروسته په کلدارو راکړه ورکړه نه کوي.

د روانۍ اوونۍ د شنبې په ورځ د اروزګان ولایت په مقام کې د يوې غونډې پر مهال په مرکز ترینکوټ او ولسوالیو کې پر افغانيو د پېر او پلور او کلدارو د مخنیوي لپاره د عامه پوهاوي کمپاین پیل شو چې وروسته به د یوې طرحې له مخې عملي شي.

د یاد کمپاین په ملاتړ نن د دغه ولایت د سرحدونو او قبایلو چارو په ریاست کې د قومي مشرانو او عامو خلکو غونډه جوړه شوې وه.

د غونډې ګډونوالو وويل چې د افغانيو په رواجولو کې له حکومت سره پوره همکاري کوي.

د یاد ولایت د سرحدونو او قبایلو ریاست مسوول نعمت الله خان وويل چې نور بايد پر بهرنيو اسعارو د راکړې ورکړې مخه ونيول شي.

هغه وایي: ((ولس د دولت د یاد اقدام ستاینه او ملاتړ کوي او په هره برخه کې ورسره همکاره کوي.))

دغه راز په ياده غونډه کې ملک عبدالرازق وويل، کلونه کیږي چې حکومت د بهرنیو اسعارو او کلدارو پر راکړې ورکړې د مخنیوي ژمنې کوي، خو تراوسه يې عملي بڼه نه ده غوره کړې.

هغه نيوکه وکړه چې خپله لوړپوړي دولتي چارواکي پر کالدارو راکړه ورکړه کوي او کله چې مياشتنۍ تنخوا تر لاسه کوي نو بيا يې په کلدارو بدلوي.

د غونډې يو شمېر نورو ګډونووالو هم ورته څرګندونې وکړې او ژمنې يې وکړې چې تر دې وروسته راکړه ورکړه په افغانيو کوي.

د يادونې ده چې تر دې وړاندې په ننګرهار، خوست، غزني او ځينو نورو ولايتونو کې هم د کلدارو د مخنيوي لپاره جدي اقدامات شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan