د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند د ملي امنيت د مطبوعاتو مدير ووژل شو

د هلمند د ملي امنيت د مطبوعاتو مدير ووژل شو

Jan 23, 2020 - 09:03

لښکرګاه (پژواک، ٣ سلواغه ٩٨): د هلمند حکومتي چارواکي وايي چې ناپېژانده وسله والو د دغه ولايت د ملي امنيت د مطبوعاتو مدير وژلى او يو بل کس يې ټپي کړى دى.

د هلمند والي محمد ياسين خان د مرغومي په درېيمه پژواک خبري اژانس ته وويل چې ناپېژانده وسله والو تېره شپه د دغه ولايت د ملي امنيت د مطبوعاتو پر مدير محمد داوود مظلوميار ډزې کړې دي.

هغه وايي چې په دغه پېښه کې مظلوميار وژل شوى او موټر چلوونکى يې ټپي شوى دى.

والي زياتوي: ((مظلوميار لښکرګاه ښار ته د سودا اخيستلو لپاره تللى و چې له دغه ډول پېښې سره مخ شوى دى.))

د نوموړي د معلوماتو له مخې، د يادې پېښې په تور تر اوسه څوک نه دي نيول شوي، خو امنيتي ارګانونو ته دنده سپارل شوې چې د مظلوميار قاتلين پيدا او د قانون منګلو ته يې وسپاري.

بل لورته د يادې پېښې مسووليت وسله والو طالبانو منلى دى.

د دې ډلې وياند قاري يوسف احمدي وايي چې طالبانو تېره شپه د لښکرګاه ښار په کارته لګن سيمه کې د ملي امنيت يو فعال غړى محمد داوود مظلوميار په يوه چريکي بريد کې وژلى دى.

ورته راپورونه:

نظر ورکړئ

اعلانونه

Advertisement