د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په جوزجان کې د جګړې له امله ۱۶ کسانو ته مرګ ژوبله اوښتې

په جوزجان کې د جګړې له امله ۱۶ کسانو ته مرګ ژوبله اوښتې

Jan 25, 2020 - 18:39

شبرغان (پژواک، ۵ سلواغه ۹۸): په جوزجان کې سیمه ییزې سرچینې وایي چې په دغه ولایت کې د امنیتي ځواکونو او طالبانو ترمنځ جګړه کې، ۸ امنیتي منسوبین وژل شوي، پنځه منسوبین او درې ملکیان ټپیان شوي دي.

د ولایت امنیه قوماندان سمونیار عبدالواحد وجدان پژواک خبري اژانس ته وویل چې د شبرغان ښار په منګوټي کلي کې د ولسي پاڅون کوونکو او وسله والو طالبانو ترمنځ سخته نښته وشوه.

د هغه په خبره، په دغې جګړه کې چې یو ساعت یې دوام درلود، د ولسي پاڅون کوونکو ۸ غړي وژل شوي، پنځه نو ولسي پاڅون کوونکي او درې ملکیان ټپیان شوي دي.

نوموړي زیاته کړه، د یادې پېښې ټپیان د درملنې په موخه د شبرغان ښار ولایتي روغتون ته وړل شوي دي.

وجدان یادونه وکړه چې په یاده جګړه کې وسله والو طالبانو ته مرګ ژوبله اوښتې؛ خو دقیق شمېر یې ورته معلوم نه دی.

په همدې حال کې، د سیمې یوه اوسېدونکي عبدالوهاب پژواک ته وویل چې د دواړو خواوو ترمنځ جګړه په داسې حال کې ونښته چې طالبان د منګوټي کلي ته داخل شول او په یوه کوڅه کې یې ولسي پاڅون کوونکو ته کمین نیولی و.

هغه زیاته کړه چې د دغو ډزو په پایله کې سیمه ییزو خلکو ته هم زیان رسېدلی دى. د نوموړي د معلوماتو له مخې، درې مېرمنې ټپیانې شوې دي.

د جوزجان د عامې روغتیا استازي ډاکټر فرید عزیزي پژواک ته وویل چې نن سهار امنیتي ځواکونو د پنځو امنیتي ځواکو په ګډون د ۸  ټپیانو جسدونه چې  درې یې مېرمنې دي، روغتون ته ور وړي دي.

هغه زیاته کړه چې د ټپیانو روغتیایي وضعیت د ډاډ وړ دی.

د دغې پېښې په اړه وسله والو طالبانو تراوسه څه نه دي ویلي.

د منګوټي کلی، د شبرغان- سرپل پر لویه لار پروت دی چې ډېری وخت د دولتي ځواکونو او وسله والو طالبانو تر منځ په همدغه سیمه کې جګړه نښلي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking