کابل (پژواک، ٦ سلواغه ٩٨): د ملي امنيت عمومي رياست وايي چې د ميدان وردګو د جلرېز ولسوالۍ لپاره د طالبانو د استخباراتو د مرستيال په ګډون پنځه کليدي طالبان نيولي دي.
د ملي امنيت له رياسته د سلواغې په ٦مه پژواک اژانس ته په رالېږل شوې خبرپاڼه کې راغلي چې د دغه رياست ځانګړو ځواکونو د جلرېز ولسوالۍ په احمدخېل او محمد نورخېل سيمو کې د وسله والو طالبانو پر قرارګاه عمليات ترسره کړل.
سرچينې زياته کړې چې د دغو عملياتو په ترڅ د جلرېز ولسوالۍ لپاره د طالبانو د استخباراتو د مرستيال او د عشر او ذکات د مسوول په ګډون پنځه مهم طالبان له يو شمېر نظامي وسايلو سره نيولي دي.
په خبرپاڼه کې د دغو کسانو د نيولو نېټې ته اشاره نه ده شوې.
وسله والو طالبانو تر اوسه پورې په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن