ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په بغلان کې  ١١ پوليس وژل شوي

په بغلان کې ١١ پوليس وژل شوي

author avatar
28 Jan 2020 - 11:04
په بغلان کې  ١١ پوليس وژل شوي
author avatar
28 Jan 2020 - 11:04

پلخمري (پژواک، ٨ سلواغه ٩٨): د بغلان په مرکز پلخمري کې د وسله والو طالبانو د بريد له امله د يوه قوماندان په ګډون ١١ پوليس وژل شوي او دوه نور ټپيان شوي دي.

په مرکز پلخمري کې يوې امنيتي سرچينې د سلواغې په اتمه پژواک خبري اژانس ته وويل چې تېره شپه وسله والو طالبانو د مرکز پلخمري د درېيمې حوزې پر مرکزي پوستې بريد کړى دى.

هغه وايي چې په دغه بريد کې د حوزې د امر فريد اندرابي په ګډون ١١ پوليس وژل شوي او دوه نور ټپيان دي.

ده زياته کړه: ((طالبانو اول د يادې پوستې څلور خواته لارې تړلې وې ترڅو مرسته ورته ونه رسيږي او همداسې هم وشول.))

د نوموړي د معلوماتو له مخې، په ياده جګړه کې طالبانو د يادې پوستې دوه ټانګونه هم سوځولي دي.

دغه راز د بغلان د عامې روغتيا رييس ډاکټر محب پژواک ته وويل چې د جګړې له ځايه اووه جسدونه او دوه ټپيان روغتون ته انتقال شوي دي.

هغه وايي چې وژل شوي کسان ټول پوليس دي او د دواړو ټپيانو روغتيايي حالت هم نازک دى.

د يادې پېښې په اړه د بغلان امنيتي چارواکي له څه ويلو ډډه کوي.

بل لورته وسله والو طالبانو هم تر اوسه په دې اړه څه نه دي ويلي.

د يادونې ده چې په دې وروستيو کې يوځل بيا د افغان ځواکونو او وسله والو طالبانو ترمنځ جګړو زور اخيستى چې مرګ ژوبله هم لري.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.