د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اسټراليا هم د ١٩ کلنو کرکټ نړيوال جام کې افغانستان ته ماتې ورکړه

لوبې

ارشيف

اسټراليا هم د ١٩ کلنو کرکټ نړيوال جام کې افغانستان ته ماتې ورکړه

Feb 03, 2020 - 11:12

کابل (پژواک، ١٤ سلواغه ٩٨): د کرکټ د ١٩ کلنو نړيوال جام سياليو د دويم پړاو په يوه لوبه کې اسټراليا هم افغانستان ته ماتې ورکړه.

دا سيالۍ چې په سوېلي افريقا کې روانې دي چې په کې د نړۍ ١٦ لوبډلو برخه اخيستې وه، خو اتو لوبډلو دويم پړاو ته لاره موندلې وه.

د دويم پړاو په لومړۍ لوبه (کوارټر فاينل) کې پاکستان افغانستان ته ماتې ورکړه، خو د دويم پړاو په دويمه لوبه کې چې د شپږم مقام لپاره و، د افغانستان او اسټراليا ترمنځ سخته لوبه وشوه.

د دې لوبې پچه هم افغانستان وګټله او لومړی يې د توپوهنې پرېکړه وکړه، د ١٩ کلنو ملي لوبډلې په ټاکل شوو ٥٠ اورونو کې یې د ٧  لوبغاړو په سوځېدو سره ١٩١ منډې جوړې کړې او اسټراليا ته يې د ١٩٢ منډو هدف ورکړ.

د افغانستان له لوري لوبډلمشر فرهان زاخېل په زړه پورې لوبه وکړه او ٩١ ناسوځېدلې منډې يې جوړې کړې، دغه راز عبدالرحمن ٢٤، صديق الله اتل ١٩ او ابراهيم ځدراڼ ١٧ مندې جوړې کړې.

د اسټراليا لوبډلې ياد هدف په پنځوسم اوور کې د اتو لوبغاړو په سوځېدو سره ترلاسه کړ او لوبه يې وګټله.

د افغانستان له خوا عبدالرحمن درې، جمشېد خان دوه او شفيق الله غفاري يو لوبغاړى وسوځول.

افغانستان به اوس د اووم مقام لپاره له  کوربه سوېلي افريقې سره لوبه کوي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking