خوست ښار (پژواک، ١٩ سلواغه ٩٨): په خوست ښار کې د سړک غاړې ماين چاودنې له امله درېيو پوليسو ته مرګ ژوبله اړولې ده.
دغه چاودنه نن له غرمې مخکې شاوخوا يوولس بجې د خوست ښار ميخانيکي انسټیټیوټ ته څېرمه د پوليسو پر رینجر موټر شوې وه.
د خوست د امنيې قوماندانۍ مطبوعاتي مسوول عادل حيدر پژواک خبري اژانس ته وويل چې دې پېښه کې يو پوليس وژل شوی او دوه نور ژوبل دي.
عادل د ټپيانو روغتيايي حالت د ډاډ وړ وښود.
بل پلو په خوست ښار کې د بابري ګل په نوم د خصوصي کلينيک يوه ډاکټر پژواک ته وويل چې دوی ته د پېښې له ځايه يو جسد او يو ټپي ور وړل شوی دی.
د هغه په وينا، وژل شوی او ټپي دواړه پوليس دي.
تر دې دمه د پېښې مسووليت کومې ډلې پر غاړه نه دی اخیستی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن