د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

جلال اباد کې د څه باندې ٤،٥ ميليونه افغانيو په لګښت څو رغنيزې پروژې بشپړې شوې

جلال اباد کې د څه باندې ٤،٥ ميليونه افغانيو په لګښت څو رغنيزې پروژې بشپړې شوې

Feb 09, 2020 - 18:18

جلال اباد (پژواک ٢٠ سلواغه ۹۸): د ننګرهار په مرکز جلال اباد ښار کې د ولسي تړون ملي پروګرام له لوري د څه باندې څلورنيم ميليونه افغانيو په مالي لګښت فرعي سړکونه، ويالې او يو استنادي دېوال جوړ شول.

د دغو رغنيزو پروژو چارې کابو څلور نيم مياشتې وړاندې پيل شوې وې چې چارې يې بشپړې شوې او نن د سلواغې په ٢٠مه پرانيستل شوې.

د جلال اباد ښار د اتمې ناحيې د اتم ګذر د شورا مشر سردار وويل، د څلور ميليونه، شپږ سوه نوي زره افغانيو په لګښت يې د څلور مياشتو په موده کې ۱۲۰۹ متره سړکونه، ۸۲۸ متره ويالې، ۶۶ متره د ويالو په سر د جالیو لګولو او يو استنادي دېوال چارې بشپړې کړې.

د ده په وينا، په ياده موده کې يې د ۵۱۲ متره مربع په اندازه زیاتې چارې تر سره کړي چې ټولې چارې د ولس په خوښه او د هغوی د اړتيا په نظر کې نيولو سره مخته تللې دي.

هغه زياته کړه، په ياده موده کې لسګونه کسانو ته د کار زمينه برابره شوې او له دغو پروژو څخه به د دې سيمې زرګونه کسان استفاده وکړي.

د سيمې يوه اوسېدونکي مختار احمد د دې پروژو په تر سره کېدو خوښي وښوده او د برېښنا په برخه کې د شته ستونزو حل او څو نورو پروژو د پلي کېدو غوښتنې يې وکړې.

دی وايي، د ولسي تړون پروګرام تر پيل وړاندې د دغې سيمې خلک په اړوندو برخو کې له ډيرو ستونزو سره مخامخ و چې اوس يې ستونزې تر ډېره حل شوې دي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking