د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

​غزني کې څلور سوه زره کسان له زده کړو بې برخې پاتې دي

​غزني کې څلور سوه زره کسان له زده کړو بې برخې پاتې دي

Feb 09, 2020 - 16:13

غزني ښار (پژواک، ٢٠ سلواغه ٩٨): د غزني د پوهنې رياست چارواکي وايي چې نا امنۍ، د ښوونځيو کموالي او له زده کړو سره د خلکو نه لېوالتيا د دې لامل شوي چې په دغه ولايت کې د اويا سلنه نجونو په ګډون څلور سوه زره په شرايطو برابر کسان له زده کړو بې برخې پاتې شي.

د غزني د پوهنې رييس محب الله انصار د سلواغې په ٢٠مه پژواک خبري اژانس ته وويل چې په تېرو څو کلونو کې په دغه ولايت کې د زده کړو د پراختيا لپاره کار نه دى شوى.

هغه وايي چې په دغه ولايت کې د نا امنۍ، د ښوونځيو کموالى او له زده کړو سره د خلکو نه لېوالتيا د دې لامل شوې چې د اويا سلنه نجونو په ګډون څلور سوه زره پر شرايطو برابر کسان له زده کړو څخه پاتې شي.

ده زياته کړه: ((په دغه ولايت کې د خلکو لپاره د دې زمينه نه ده برابره شوې چې خپل ماشومان زده کړو ته وليږي.))

انصار وايي چې د يادو ستونزو د حل په موخه يې له قومي مشرانو او نورو اړوندو ارګانونو سره خبرې پيل کړې دي.

د اړوندې موضوع په اړه د غزني ښار اوسېدونکي محمد ولي سباوون پژواک ته وويل، تر ټولو لوى مسووليت د کورنيو دى چې بايد پر خپلو اولادونو زده کړې وکړي.

ده ټينګار وکړ چې د جګړې ښکېلې خواوې هم بايد د زده کړو بهير سياسي نه کړي او پر وړاندې يې د خنډ له جوړولو څخه ډډه وکړي.

هغه زياته کړه: ((همدا اوس هم د بې سواده کسانو شمېر ډېر زيات شوى دى که دغه ستونزه حل نه شي دغه شمېره نوره هم ډېريږي.))

دغه راز د غزني بل اوسېدونکي محمد نبي وويل چې د جګړو او نا امنيو له امله د دوى په کورنۍ ډېر ماشومان له زده کړو څخه بې برخي دي.

نوموړي زياته کړه: ((په کومه سيمه کې ښوونځى نشته دى، په کوم ځاى کې جګړه وي، څوک خپله علاقه نه لري چې ماشومان يې درس و وايي نو دا يو لوى مشکل دى چې بايد حل شي.))

ده پر وسله والو طالبانو نيوکه وکړه چې په ځينو سيمو کې يې د ښوونځيو د جوړېدو مخه نيولې چې له امله يې يو شمېر کسان له زده کړو څخه پاتې دي.

خو د طالبانو وياند ذبيح الله مجاهد بيا پژواک ته وويل چې طالبان په ښوونځيو او زده هېڅ کار نه لري.

ده وويل: ((کله چې زموږ او حکومت ترمنځ جګړه وي، نو ځيني ماشومان ښوونځيو ته نه ځي، موږ پرې هېڅ کار نه لرو.))

د يادونې ده، د تېرو لسو کلونو راهيسې د غزني ١٨ څخه ١٤ ولسوالۍ يې له لوړ امنيتي ګواښ سره مخ دي او د همدې ولسوالۍ ډېرى اوسيدونکي زده کړو ته لاسرسى نه لري.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking