د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د ښځو پر وړاندې تاوتريخوالي قضيو کې ښکېل کسان دې محاکمه شي"

"د ښځو پر وړاندې تاوتريخوالي قضيو کې ښکېل کسان دې محاکمه شي"

Feb 13, 2020 - 16:39

جلال اباد (پژواک ۲۴ سلواغه ۹۸): په ننګرهار کې يو شمېر ښځو د سوله یيز لاريون پرمهال د ښځو پر وړاندې تاوتريخوالي کې د ښکېلو کسانو د محاکمه کولو غوښتنه وکړه او ټينګار يې وکړ چې دا چاره کولی شي د ښځو پر وړاندې تاوتریخوالی کم کړي.

دوی د سلواغې په ۲۴مه د ننګرهار ولايت مرکز جلال اباد ښار ښځو بڼ کې (د نړۍ يو بيليون ښځې د تاوتريخوالي مخنيوي په موخه درېږي) تر شعار لاندې راټولې شوې وې.

د دې سوله ييز لاريون پر مهال د ولايت د ټولنيزو او فرهنګي چارو مرستيالې حبيبې کاکړ وويل چې ولايت مقام د ښځو حقونو ته ژمن دی او د تاوتريخوالي په مخنيوي کې به د قانون له مخې جدي اقدامات کوي.

هغې زياته کړه، د دې ولايت په ټولو دولتي ادارو کې ښځينه کارمندانو ته د کار کولو ځانګړي سهولتونه برابر شوي چې هره ښځه کولی شي په ډاډه زده په کې دنده ترسره کړي.

د ننګرهار د ښځو چارو رييسه فتانه عزيز وايي، که د ښځو پر وړاندې د تاوتریخوالي قضيو ته پر وخت رسيده ګي وشي او عاملین یې علني محاکمه شي، مثبت ثابتېدلی شي.

نوموړې دغه راز د ښځو د کارموندنې په اړه وويل، دې ولايت کې د ولسمشر د ځانګړي امر پر بنسټ د ټولو دولتي بستونو لپاره ازموينو کې ښځو ته پنځه نومرې ځانګړې ورکول کېږي.

د دې لاريون پر مهال د افغان ښځو شبکې غړو، ښځينه دولتي مسئولينو او نورو مېرمنو ګډون کړی و چې د ښځو پر وړاندې د تاوتريخوالي مخنيوي غوښتنه يې کوله.

ورته راپورونه:

نظر ورکړئ

اعلانونه

Advertisement

Maiwand Bank - Just Banking