د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې ديني عالمانو ولسوالیو ته د سولې پيغام رسولو کمپاين پيل کړی

ننګرهار کې ديني عالمانو ولسوالیو ته د سولې پيغام رسولو کمپاين پيل کړی

Feb 16, 2020 - 18:46

جلال اباد (پژواک، ۲۷ سلواغه ۹۸): په ننګرهار کې یو شمېر دیني عالمانو د دغه ولايت تازه امن شويو سیمو ته د سولې پیغام په لېږد سره د سولې کاروان په نوم حرکت پیل کړ.

دوی وايي، موخه يې د ولسواليو خلکو ته د سولې د ګټو بيانول او په ټوله کې د سولې لپاره هلې ځلې دي.

دغو لسګونو ديني عالمانو خپل ياد کمپاين له پرون څخه پيل کړی او وايي، د دغه ولايت ټولو هغو ولسواليو ته به د کاروان په توګه د سولې له پيغام سره ځي چې تازه د امنيتي ځواکونو د عملياتو په پايله کې امن شوې دي.

د دغو ديني عالمانو له ډلې مولوي حبيب الله جلال ابادي د سلواغې په ۲۷مه پژواک خبري اژانس ته وويل، د سولې د حرکت یاد کاروان يې پرون د کوټ ولسوالۍ لرې پرتو سیمو ته پيل کړ.

دی وايي، په ټولو هغه سیمو کې چې مخکې د جګړې کرښې وې او اوس په کې امن وي، د سیمې د خلکو په مرسته به په کې د امن ناره پورته او ټولې ښکېلې خواوې به سولې ته را وبلي .

د نوموړي په وينا، له دې وروسته به د دې ولایت نورو ولسوالیو او په پرله پسې ډول ولایتونو ته سفر ولري، ترڅو له جنګه ستړي هېوادوالو ته د امن پيغام ورکړي او جګړه کوونکي سولې ته را وبلي .

د دیني عالمانو دې ډلې ته په کوټ او روداتو ولسوالیو کې د خلکو له لوري تود هرکلی ويل شوی او هلته ځایې دیني عالمانو او قومي مشرانو هم ملاتړ کړی.

د ننګرهار ديني عالمانو په داسې حال کې د سولې لپاره دا حرکت پيل کړی چې په دې وروستيو کې له طالبانو سره د افغان حکومت د سولې خبرې اترې ډېرې تودې شوي او هيله مندي شته چې نږدې وختونو کې د سولې په اړه يوه هوکړه وشي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking