د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر د سولې په تړاو د وروستيو پرمختګونو په اړه سلا مشورې پيل کړې دي

ولسمشر د سولې په تړاو د وروستيو پرمختګونو په اړه سلا مشورې پيل کړې دي

Feb 17, 2020 - 15:13

کابل (پژواک، ٢٨ سلواغه ٩٨) : ولسمشر اشرف غني د سولې په تړاو د ملي اجماع  رامنځته کېدو په موخه سر له نن څخه مشورتي ناستې پيل کړې دي.

د ولسمشر وياند صديق صديقي د سلواغې په ٢٨مه، پژواک خبري اژانس ته وويل چې دا لړۍ به د روانې اوونۍ تر پايه پورې ادامه ولري.

هغه زياته کړه، په دې لړ کې به ولسمشر لومړى د سولې د مشورتي جرګې د بېلا بېلو کمېسيونونو له رييسانو سره په ګډه وګوري.

صديقي وايي چې دغه راز ولسمشر د هېواد د ٣٤ ولايتونو له واليانو سره هم پر سولې سلا مشورې کوي.

نوموړي وويل چې ولسمشر اشرف غني به دغه راز سياسيونو، علماوو،  ځوانانو، ښځو، مدني ټولنې، رسنيو او د بېلابلو برخو د اړوندو کسانو له استازو سره ناستې ولري.

د هغه په وينا، له دې ناستو او ليدنو کتنو څخه موخه د سولې لپاره داخلي ملي اجماع رامنځته کول او د سولې د وروستيو پرمختګونو په اړه ورسره سلا مشورې کول دي.

د ولسمشر وياند وايي چې  د سولې وروستي پرمختګونه يو فرصت دى، خو ددې پر راتلونکو خطرونو او ننګونو هم ولسمشر له دغو کسانو سره خبرې اترې کوي.

له طالبانو سره د بين الافغاني مذاکراتو لپاره د افغان حکومت د مرکچي پلاوي په اړه د يوې پوښتنې په ځواب کې صديقي وويل چې پر پلاوي کار شوى او تر اوسه په کې کومه ستونزه نه ده پيدا شوې.

ولسمشر د سلا مشورو لړۍ په داسې حال کې پيل کړې، چې ټاکل شوې په نږدې ورځو کې د امريکا او طالبانو ترمنځ د تاوتريخوالي پر کمولو يوه اعلاميه خپره شوې.

ددغه اووه ورځني تاوتريخوالي کمولو په پاى کې چې که دا پروسه بريالۍ شوه، د امريکا او طالبانو ترمنځ به تړون لاسليک  او تر هغه لس ورځې وروسته به بين الافغاني مذاکرات پيل شي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking