د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خليلزاد له پاکستاني چارواکو سره د افغان سولې پر وروستيو پرمختګونو خبرې کړې

خليلزاد له پاکستاني چارواکو سره د افغان سولې پر وروستيو پرمختګونو خبرې کړې

Feb 18, 2020 - 09:37

کابل (پژواک، ٢٩ سلواغه ٩٨): د افغان سولې لپاره د امريکا ځانګړي استازي زلمي خليلزاد د افغان سولې په تړاو د وروستيو پرمختګونو په اړه له پاکستاني چارواکو سره خبرې اترې کړې دي.

هغه د جرمني په مونیخ ښار کې د نړيوال امنيتي کنفرانس کې له ګډون وروسته پرون سهار اسلام اباد ته رسېدلى و.

خليلزاد په اسلام اباد کې د افغان کډوالو په اړه نړيوال کنفرانس کې د ګډون ترڅنګ له پاکستاني چارواکو سره هم خبرې اترې کړې دي.

د پاکستان د دولتي راډيو د راپور له مخې، زلمي خليلزاد لومړى د پاکستان د بهرنيو چارو له وزير شاه محمود قريشي سره وليدل.

سرچينې زياته کړې چې خليلزاد، قريشي ته د افغان سولې په تړاو د وروستيو پرمختګونو په اړه معلومات ورکړل او په دې برخه کې يې د پاکستان د هلو ځلو ستاينه وکړه.

د پاکستان د بهرنيو چارو وزير يو ځل بيا ډاډ ورکړ چې هېواد به يې د افغان شخړې د سياسي جوړ جاړي لپاره خپلو هڅو ته ادامه ورکوي.

هغه زياته کړې چې هېواد يې د افغانانو په مشرۍ او مالکيت د سولې پروسې ملاتړ کوي.

دغه راز زلمي خليلزاد د پاکستان لومړي له وزير عمران خان سره هم پر افغان سولې پروسې خبرې اترې کړې دي.

عمران خان په دې ليدنه کې ويلي چې هېواد يې د افغان سولې لپاره د اسانتياوو رامنځته کولو په برخه کې ډېره همکاري کړې او د افغانستان سوله د پاکستان په ګټه هم ده.

هغه زياته کړه چې پاکستان د امريکا او طالبانو ترمنځ د مذاکراتو د وروستيو پرمختګونو هرکلى کوي او هيله من دى چې يوې مثبتې پايلې ته ورسېږي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking