په کندهار کې پر ناټو ځواکونو چاودنه شوې

کندهار ښار (پژواک، ٢٩ سلواغه ٩٨) : په کندهار ولايت کې د ناټو ځواکونو د کاروان پر يوه موټر چاودنه شوې، خو زيان نه لري.

د کندهار د والي ویاند بهیر احمدي د سلواغې په ٢٩مه، پژواک اژانس ته وويل چې چاودنه نن ماسپښین دوه بجې د دامان ولسوالۍ په علیزو سیمه کې شوې ده.

خو هغه زياته کړې چې دغې چاودنې زيان نه درلود.

بلخوا په کابل کې د ناټو ځواکونو مطبوعاتي دفتر هم پژواک اژانس ته چاودنه تاييد کړه، خو ويې ويل چې ددوى سرتېرو ته زيان نه دى اوښتى.

سرچينې وويل چې يواځې يو نظامي موټر لږ  زيانمن شوى دى.

login or register a new account.