د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې يو کس له ١٠٠ بوريو چاودېدونکو توکو سره نيول شوى

ننګرهار کې يو کس له ١٠٠ بوريو چاودېدونکو توکو سره نيول شوى

Feb 19, 2020 - 17:35

جلال اباد (پژواک، ٣٠ سلواغه ٩٨) : په ننګرهار ولايت کې يو کس له سلو بوريو چاودېدونکو توکو سره نيول شوى، بلخوا په مومندرې ولسوالۍ کې د عملياتو پر مهال ١٢ وسله  مخالفين وژل شوي دي.

ددې ولايت امنيه قومانداني وايي چې په جلال اباد ښار او کوز کونړ ولسوالۍ کې له يو تن سره سل بورۍ امونيم نايټريټ ، ۱۴۰ بنډله د سانيه سوز لين او دوه عرادې موټر ونيول شول.

د امنيه قوماندانۍ د امنيت امر سمونيار سليم طوطاخېل د سلواغې په ۳۰مه د يوه  خبري کنفرانس پر مهال وویل، چې د جلال اباد ښار په لومړۍ ناحيه کې يې د عبدالمالک په نوم يو تن سره په ډاټسن ډوله موټر کې ۴۵ بورۍ امونيم نايټريټ او ۱۴۰ بنډله د سانيه سوز لين ونيوه.

نوموړي زياته کړه ، چې ياد تن د کوز کونړ ولسوالۍ شګۍ په سيمه کې هم په يوه کور کې ۵۵ بورۍ امونيم نايټريټ له وړاندې ځای پر ځای کړي وو، چې د عملياتو په ترڅ کې له يو عراده سراچه ډوله موټر سره يو ځای ونيول شول.

د هغه په وينا، نيول شوي تن په خپل جرم اعتراف کړی او نورې څېړنې  ترې روانې دي.

د يو بل خبر له مخې، ددې ولايت په مومندرې ولسوالۍ کې د وسله والو مخالفینو په لیکو کې درې پاکستاني ملېشه او ۹ وسله وال طالبان ووژل شول .

د والي وياند عطاء الله خوږياڼي پژواک ته وويل ، د ننګرهار ولایت مومندرې ولسوالۍ په غوړکي سیمه کې نن سهار د هوایي برید په ترڅ کې چې د وسله والو مخالفینو پر پټنځای ترسره شوی،په ترڅ کې يې  ۱۲ وسله وال طالبان وژل شوي چې په وژل شویو کې درې پاکستاني ملېشه هم شامله ده.

د هغه په وينا، د یاد برید پر مهال د وسله والو مخالفینو یو میل دهشکه هم له منځه تللې او بل چاته کوم زیان نه دی اوښتی .

وسله والو مخالفينو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking