د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چین کې د کرونا ناروغۍ له امله د مړه شوو شمېر له دوو زرو واوښت

روغتیا

ارشيف

چین کې د کرونا ناروغۍ له امله د مړه شوو شمېر له دوو زرو واوښت

Feb 19, 2020 - 12:18

کابل (پژواک، ٣٠  سلواغه ٩٨): د چين  حکومت ويلي چې په دغه هېواد کې له کرونا ويروسه د مړو شوو کسانو شمېر له دوه زره کسانو اوښتى او لسګونه زره نور پر دې ناروغۍ اخته شوي دي.

دا  ناروغي چې د چين له اوهان ښاره پيل شوې، اوس د ټول چين ترڅنګ په ٢٥ نورو هېوادونو کې هم خپره شوې ده.

نړيوالو رسنيو د سلواغې په ٣٠مه د چين د ځايي چارواکو په حواله خبر ورکړى چې له کرونا ويروس څخه د مړه شوو کسانو شمېر له  دوو زرو اوښتی دی.

سرچينو زياته کړې چې ډېر زيات تلفات د چين په هوبې ولايت کې چې اوهان ښار يې مرکز دى، اوښتى دى.

د چين د روغتيا ملي کمېسيون وايي چې يواځې په تېرو ٢٤ ساعتونو کې په بېلابېلو ښارونو کې ١٣٦ کسان مړه شوي او دغه راز د ټولو مړه شوو کسانو شمېر ٢٠٠٤ تنو ته رسېدلی دی.

دغه راز ياد کمېسيون په ډاګه کړې ١٧٤٩ نورې تازه پېښې ثبت شوې او په دې سره په چين کې د ټولو ناروغانو شمېر له ٧٠ زرو څخه اوښتى دى.

د يادونې ده، د چين په اوهان ښار کې د ٥٠ محصلينو ترڅنګ ٦٢ افغانان هم مېشت دي، د افغانستان حکومت د هغوى د لېږدولو پرېکړه کړې ده، خو تر اوسه د چين حکومت په دې اړه اجازه نه ده ورکړې؛ ځکه چې هلته مېشت ټول خلک قرنطين شوي دي.

د افغانستان حکومت هم په ټولو نړيوالو هوايي ډګرونو او بندرونو کې روغتيايي ټيمونو ګومارلي دي، څو له بهرنيو هېوادونو د راتلونکو کسانو پلټنه او معاينه وکړي.

د عامې روغتيا وزير ډاکتر فيروزالدين فيروز په کابل او هرات کې د کرونا ناروغۍ د درملنې د روغتونونو له پرانيستې وروسته پرون په بلخ ولايت کې هم يو ٣٠ بستريز روغتون پرانيست.

هغه  وويل چې په افغانستان کې د کرونا وايروس د تشخيص زمينه برابره شوه.

د فيروز په وينا، وړاندې له دې به دوی د مشکوکو خلکو طبي معاينات بهرنيو هېوادونو ته د تشخيص په موخه استول.

د عامې روغتيا وزير ډاډ  ورکړ چې تر دې دمه په افغانستان کې د کرونا  وايروس هېڅ ډول مثبته پېښه نه ده ثبت شوې.

هغه وايي چې په وروستيو ورځو کې يې شاوخوا ۵۰۰ افغانان له چينه هېواد ته انتقال کړي چې له معايناتو وروسته یې معلومه شوې چې د کرونا ناروغۍ هېڅ ډول نښې په کې نشته.

ورته راپورونه:

نظر ورکړئ

اعلانونه

Advertisement