د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اروپايي ټولنې اشرف غني ته په ټاکنو کې د بريا مبارکي ورکړه

اروپايي ټولنې اشرف غني ته په ټاکنو کې د بريا مبارکي ورکړه

Feb 20, 2020 - 09:26

 

کابل (پژواک، د کب لومړۍ نېټه ٩٨) : اروپايي ټولنې ولسمشر اشرف غني ته په ټاکنو کې د بريا د مبارکۍ ترڅنګ له نوي افغان حکومت سره د ګډ کار کولو ژمنه کړې ده.

په کابل کې د اروپايي ټولنې له خوا د افغان ولسمشريزو ټاکنو د وروستيو پايلو په تړاو د دغې نړيوالې ټولنې خبرپاڼه خپره کړې ده.

په خبرپاڼه کې راغلي چې د اروپايي ټولنې د بهرنۍ او امنيتي پاليسۍ د برخې مسوول جوزېف بروېل پرون ولسمشر اشرف غني سره ټيلېفوني خبرې کړې او هغه ته يې په ولسمشريزو ټاکنو کې د بريا مبارکي ورکړې ده.

نوموړي د دې اعلان د هرکلي ترڅنګ ويلي چې د ټاکنيزو کمېسيونونو له خوا له څو مياشتو ارزونو او پلټنو وروسته دا پروسه پاى ته ورسېده.

اروپايي ټولنې د افغانستان د ټاکنيزو کمېسيونونو ستاينه کړې چې د سختو ننګونو او ستونزو سره سره يې خپل کار په ښه توګه پاى ته ورساوه.

ددغې ټولنې د بهرنۍ او امنيتي پاليسۍ د برخې مسوول جوزېف بروېل زياته کړې چې دوى تل د افغانستان د اساسي قانون او بنسټونو څخه ملاتړ کړی دی.

سرچينې زياته کړې، اروپايي اتحاديه به د ولسمشر اشرف غني په مشرۍ د افغانستان له نوي حکومت سره په ګډه کار کوي.

نوموړي د ولسمشر غني د هغو څرګندونو هرکلى کړى چې غواړي په افغانستان کې يو پراخ بنسټه حکومت جوړ کړي.

جوزيف په ډاګه کړې چې له دې وروسته بايد د سولې پروسې ته زياته پاملرنه وشي او اروپايي ټولنه ژمنه ده، چې د سولې پروسې سره به خپل ملاتړ ته ادامه ورکوي.

بلخوا دامريکا د مشرانو جرګې مشهور سناتور لينډسي ګراهم او د امريکا د وسله والو ځواکونو د لوى درستيز پخواني مرستيال جيک کين هم اشرف غني ته مبارکي ورکړې ده.

ورته راپورونه:

نظر ورکړئ

اعلانونه

Advertisement

Maiwand Bank - Just Banking