د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

" د برېښنا پر ٢٢ پروژو کار روان دى"

" د برېښنا پر ٢٢ پروژو کار روان دى"

Feb 23, 2020 - 17:15

کابل (پژواک، ٤ کب ٩٨): د افغانستان برېښنا شرکت وايي چې په ٣٣ ولايتونو کې د برېښنا پر ٢٢ پروژو کار روان دى او تر دوو کلونو پورى به په ټول هېواد کې د برېښنا د پرچاوۍ مسئله  حل شي.

 دغه څرګندونې د برېښنا شرکت اجراييوي رييس امان الله غالب د کب په څلورمه کابل کې د یوې خبري غونډې پر مهال وکړې.

ده وویل چې اوس مهال د هېواد په ۳۳ ولایتونو کې برېښنا توليديږي چې په ټوليز ډول ۶۲۸ مېګاواټه برېښنا توليدوي.

غالب وايي چې اوس مهال افغانستان له څلور وارداتي لینونو ترکمنستان، ایران، تاجکستان او ازبکستان څخه ۱۰۱۵میګاواټ برېښنا واردوي.

نوموړي د معلوماتو له مخې، دوى پلان درلوده چې په ۱۳۹۸ کال کې پر ١٠٣ پروژو کار وکړي، خو له دې ډلې نهه پروژې یې بشپړې شوي او  ۲۲  يې تر کار لاندې دي.

د نوموړي په وينا، د برېښنا بيل د نه ورکولو او د برېښنا د ناقانونه کارولو له امله ٣١٨ کسان څارنوالۍ ته معرفي شوي دي.

 ده وویل چې  ناامني، د خلکو د ځمکو استملاک، د بودیجې کمښت او ټولنیزې ستونزې د دوی د کار پر وړاندې لوي خنډونه دي.

امان زياته کړه چې د ۲۰۲۰ ميلادي کال تر پايه به د برېښنا د پرچاوۍ مسئله حل شي او نور به ياده ستونزه نه وي.

هغه وویل چې د ترکمنستان او ایران هېوادونو د وارداتي برېښنا په تعرفه کې کموالى راغلى دى.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking