ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هلمند کې هم د کرونا ناروغۍ شکمنه پېښه ثبت شوې ده

author avatar
25 Feb 2020 - 14:28
author avatar
25 Feb 2020 - 14:28

لښکرګاه (پژواک، ٦ کب ٩٨): له هرات او غور ولايتونو وروسته په هلمند کې هم د کرونا ناروغۍ يوه شکمنه پېښه ثبت شوه.

د هلمند والي محمد ياسين خان د کب په شپږمه پژواک خبري اژانس ته وويل چې په دغه ولايت کې د کرونا يوه شکمنه پېښه ثبت شوې ده.

هغه وويل: ((دغه کس له هراته راغلى، معاينات يې موږ کابل ته استولي څو معلوم شي چې کرونا لري او کنه.))

هغه د ياد کس په اړه نور معلومات وړاندې نه کړل خو ويې ويل چې په دې اړه به وروسته له رسنيو سره معلومات شريک کړي.

دا په داسې حال کې ده چې په هرات کې يوه مثبته او شپږ شکمنې او په غور ولايت کې يوه شکمنه پېښه تر اوسه ثبت شوې ده.

د يادونې ده، د کرونا ویروس د لومړي ځل لپاره د چین په اوهان ښار پیدا او ثبت شوی او دا مهال د نړۍ ۳۳ هېوادونو ته رسېدلى دى.

د يادې ناروغۍ له امله دا مهال يواځې په چين هېواد کې ٢٣٥٠ کسان مړه شوي او نږدې اتيا زره نور پر دې ناروغې اخته شوي دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.