کابل (پژواک، ٧ کب ٩٨): د هندوستان د بهرنيو چارو وزارت له خوا د کب په ٧مه دغه هېواد ته د امريکا د ولسمشر ډونالډ ټرمپ له دوه ورځني سفر وروسته د دواړو هېوادونو له خوا ګډه اعلاميه خپره شوې ده.
په اعلاميه کې راغلي، دواړه هېوادونه د یوه متحد، حاکميت لرونکي، ډيموکراتيک او هوسا افغانستان لپاره ګډه لېوالتيا لري.
سرچينې زياته کړې چې دوى د افغانانو په مشرۍ او مالکيت د سولې له يوې داسې پروسې ملاتړ کوي چې ورسره تاوتريخوالى کم، جګړه پاى ته ورسېږي، د ترهګرو خوندي ځایونه له منځه يووړل شي او د تېرو ١٨ کلونو لاسته راوړنې وساتل شي.
په ګډه اعلاميه کې دغه راز راغلي چې د امريکا ولسمشر ډونالډ ټرمپ له افغانستان سره په بېلابېلو برخو کې د هندوستان د همکاريو هرکلى کړى دى.
دغه راز سرچينې زياته کړې، دواړو هېوادونو په سرحدونو کې د ترهګريزو پېښو غندنه کړې او له پاکستانه يې غوښتي چې خاوره يې بايد د نورو هېوادونو پر ضد د ترهګرۍ لپاره ونه کارول شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن