د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خليلزاد: د ولسمشر غني د لوړې مراسم د کب په ١٩مه ترسره کېږي

خليلزاد: د ولسمشر غني د لوړې مراسم د کب په ١٩مه ترسره کېږي

Feb 26, 2020 - 15:59

 

کابل (پژواک، ٧ کب ٩٨): د امريکا ځانګړى استازى زلمى خليلزاد وايي چې د ټاکنو پروسه پاى ته رسېدلې او د ټاکنو خپلواک کمېسيون ولسمشر اشرف غني ګټونکى اعلان کړى دى.

خليلزاد دغه څرګندونې د کب په ٧مه په ټولنيزه شبکه ټويټر کې کړې دي.

هغه زياته کړې، افغان مشران بايد ډاډه شي چې نوى افغان حکومت بايد ټول شموله وي او د ټولو افغانانو د هيلو استازيتوب به کوي.

د امريکا یاد استازي ويلي چې د افغانستان د بهرنيو چارو وزارت ورته خبر ورکړى چې د ولسمشر د لوړې مراسم د مارچ تر نهمې (د کب ١٩مې) نېټې پورې ځنډول شوي دي.

له دې مخکې ولسمشرۍ ماڼۍ اعلان کړى و چې د لوړې مراسم د کب په ٨مه (د پنجشنبې ورځ) ترسره کېږي، خو د امريکا په غوښتنه وځنډول شوه.

زلمي خليلزاد د ولسمشر غني له خوا د لوړې د مراسمو د ځنډولو د پرېکړې هرکلى کړى دى.

هغه په خپل ټويټ کې دغه راز يادونه کړې، دغه ځند به افغان مشرانو ته دا چانس په لاس ورکړي چې د افغانستان او د خلکو د ګټو لپاره ښې مشورې وکړي.

له دې مخکې پرون د امريکا د بهرنيو چارو وزارت له خوا په يوه خپره شوې خبرپاڼه کې راغلي د ولسمشر غني د لوړې د مراسمو د ځنډ خبر ورکړل شوى و.

په خبرپاڼه کې له افغان سياسونو غوښتل شوي وو چې د موازي حکومتونو او بنسټونو له جوړولو دې ډډه وکړي.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking