د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کابل ښار په چاودنه کې نهه ملکي وګړي ټپيان شوي

د کابل ښار په چاودنه کې نهه ملکي وګړي ټپيان شوي

Feb 26, 2020 - 18:16

لومړى تعقيب - کابل (پژواک، ٧ کب ٩٨) : د کورنيو چارو وزارت وايي چې د کابل ښار په شپږمه حوزه کې د چاودنې له امله نهه ملکي وګړي ټپيان شوي دي.

د کورنيو چارو وزارت  وياند نصرت رحيمي د کب په ٧مه، پژواک خبري اژانس ته وويل چې چاودنه نن تر غرمې وروسته په شاوخوا درې نيمو بجو د شپږمې حوزې اړونده د فيض محمد کاتب پر سړک شوې .

هغه زياته کړه، چې چاودېدونکي توکي په يوه موټرسايکل کې ځاى پر ځاى شوي وو او د چاودنې له امله يې د يوې ښځې په ګډون ٩ ملکي وګړي ټپيان شوي دي.

رحيمي وايي چې ټپيان روغتون ته لېږدول شوي، خو د هغوى د روغتيايي حالت په اړه يې معلومات نه درلودل.

د کورنيو چارو وزارت وويل ، دا چې چاودنه د کومې وسله والې ډلې له خوا ترسره شوې، پوليسو يې په اړه پلټنې پيل کړې دي.

بلخوا د طالبانو وياند ذبيح الله مجاهد ويلي چې دوى په دې چاودنه کې لاس نه لري.

دا چاودنه په داسې حال کې شوې چې له تېرې شنبې ورځې راهيسې په ټول هېواد کې د تاوتريخوالي کمولو يا اور کم لړۍ پيل شوې ده.

د پژواک موندنې ښيي چې د تاوتریخوالي د کمښت اوونۍ له پیل وروسته په تېروڅلورو شپو او ورځو کې د تېرې اوونۍ د همدې وخت په پرتله ۹۴ سلنه وسله وال بریدونه کم شوي دي.

د راپورونو له مخې، په تېرو څلورو ورځو کې په ١١ ولايتونو کې ١٧ بريدونه شوي چې له امله يې ١٩ تنه وژل شوي او ٢٦ نور ټپيان دي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking