کابل (پژواک، ٨ کب ۹۸): د عامې روغتیا وزارت وایي چې په جمهوریت روغتون کې د فساد قضیه یې له لومړنیو څېړنو وروسته د لا ډېرې څېړنې په موخه لویې څارنوالي ته استولې ده.
د عامې روغتیا وزارت په نننۍ خبرپاڼه کې راغلي، د جمهوریت روغتون د مرکز ګرمیو د سون موادو په بودیجه کې د اختلاس موضوع ته د رسېدو د راپور په اړه د ولسمشرۍ ریاست د ٢٣١١۱۳۹۸ نېټې د ۲۹۲۸ شمېرې امر په اساس یې د یادې موضوع د څېړلو اقدام کړی دی.
د پیک د څېړنیزې خبریالۍ مرکز، په دې وروستیو کې د جمهوریت روغتون د مسوولینو له خوا د دغه روغتون د میلیونونو افغانۍ بودیجې د اختلاس په اړه راپور خپور کړی دی.
په خبرپاڼه کې راغلي چې عامې روغتیا وزارت له دې موضوع څخه تر خبرېدو وروسته د جمهورت روغتون د مرکز ګرمیو او جنراتور د تېلو د څېړلو په موخه ګډ پلاوی وټاکه؛ څو په یاد روغتون کې د ماشین الاتو د تېلو لګښت وڅېړي.
سرچینې زیاته کړې، د عامې روغتیا د ګډ پلاوي په راپور کې راغلي چې یاد پلاوي د ورکړل شوو اسنادو له مخې موندلې چې د ۱۳۹۲ کال په وروستیو کې د مرکزګرمیو د ماشینونو د فعالیت له پیله د ۱۳۹۸ کال د مرغومي تر ۱۵ مې د لګښت د مخکني نورم په پام کې نیولو او اوسني لګښت تر منځ د پام وړ توپیر شته، چې دا د راپور ورکړل شوو تېلو او په مرکز ګرمیو کې د مصرف شوو تېلو ترمنځ ډېر توپیر ښيي.
یاد وزارت ویلي چې د ګډ پلاوي د راپور په اساس، د عامې روغتیا وزیر په یوه حکم کې لیکلي چې دغه موضوع یې د ډېرو څېړړنو لپاره لویې څارنوالۍ ته استولې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن