د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په پاکستان کې هم د کرونا دوه مثبتې پېښې ثبت شوې دي

روغتیا

ارشيف

په پاکستان کې هم د کرونا دوه مثبتې پېښې ثبت شوې دي

Feb 27, 2020 - 10:43

کابل (پژواک، ٨ کب ٩٨) : د پاکستان حکومت اعلان کړى چې په دې هېواد کې هم د کرونا ويروس دوه مثبتې پېښې ثبت شوې دي.

د پاکستان  د رسنيو د راپورونو له مخې، يوه پېښه يې د سند ايالت په کراچۍ ښار او بله يې په  شمالي سيمه سکردو کې ثبت شوې ده.

په روغتيايي چارو کې د پاکستان د لومړي وزير سلاکار ظفر مرزا  رسنيو ته ويلي چې ددواړو پېښو درملنه روانه ده او خلک دې نه وارخطا کېږي.

هغه  زياته کړې، په کرونا اخته دواړه کسان تازه له ايران څخه را ستانه شوي دي.

دا په داسې حال کې چې تر چين وروسته په ايران کې د کرونا ويروس له امله ډېر کسان مړه او پرې اخته شوي دي.

بلخوا دپاکستان حکومت په سند او بلوچستان ايالتونو کې ټول ښوونځي تړلي او له ايران سره يې خپل سرحد تړلى دى.

دغه راز له افغانستان سره پرفرضي کرښه هم پاکستان څارنه ډېره کړې او په بېلا بېلو سيمو کې يې ډاکټران ګومارلي، څو د تګ راتګ کوونکو پلټنه وکړي.

د يادونې ده چې  دکرونا ويروس ناروغي شاوخوا دوه مياشتې مخکې د چين په اووهان ښار کې رامنځته شوې وه، چې اوس د چين د ډېرو ښارونو ترڅنګ په شاوخوا ٣٠ هېوادونو کې هم خپره شوې ده.

له دې ويروس څخه تر اوسه په چين کې شاوخوا٢٧٠٠ کسان مړه شوي او نږدې ٩٠ زره کسان پرې اخته شوي دي.

تر چين وروسته ايران، ايټاليا او سوېلي کوريا کې ډېرې پېښې رامنځته شوې دي.

د افغانستان د عامې روغتيا وزارت ويلي چې په هرات ولايت کې هم د کرونا يوه مثبته پېښه ثبت شوې ده.

ورته راپورونه:

نظر ورکړئ

اعلانونه

Advertisement