چاريکار (پژواک، ٩ کب ٩٨): د سالنګ لويه لاره چې د هېواد پلازمېنه له شمالي ولايتونو سره نښلوي، يو ځل بيا د لويو بار وړونکو موټرو پرمخ وتړل شوه.
د سالنګونو د ساتنې او مراقبت ادارې اجرايي مدير سميع الله د کب په نهمه پژواک ته وويل چې له نن سهار راهيسې په سالنګونو کې سخته واوره وريدلې چې له امله يې دغه لويه لار د ټيلري موټرو پرمخ تړل شوې ده.
د هغه د معلوماتو له مخې، په سوېلي سالنګ کې د واورې پنډوالى ٢٣ سانتي متره او په شمالي سالنګ کې ٤٥ سانتي متره دى.
د يادونې وړ ده چې سالنګ لويه لاره د ٢،٧ کيلومتره تونل په درلودو سره د پروان او بغلان ولايتونو ترمنځ د هندوکش غرونو په لوړو کې تېريږي او د شمال نهه ولايتونه له پلازمينې کابل سره نښلوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن