بامیان (پژواک، ۸ کب ۹۸): د سکي ملي فدراسیون وایي چې نن د بامیانو ولایت د بابا غره په لمن کې لسګونه نجونو او هلکانو د سکي سیالۍ کې ګډون وکړ.
د افغانستان د سکي د ملي فدراسیون رییس داوود کارګر پژواک خبري اژانس ته وویل چې دغه لوبې د سکي د ملي فدارسیون له خوا په «سرقل چپ دره» فولادي کې چې د بابا د غره په لمن کې واقع دی، د بامیانو د سیمه ییزې ادارې په مرسته ترسره شوه.
نوموړي زیاته کړه، دغه سیالۍ د ښځو د سکي تر لسم او د نرانو د لرګي د سکي دویمې سیالۍ تر نامه لاندې تر سره شوه.
د هغه په وینا، په دغو سیالیو کې د سکي ۲۰ لوبغاړو نجونو او د لرګي د سکي په برخه کې هم ۵۳ د سکي هلکانو لوبغاړو له یوبل سره سیالۍ وکړې.
نوموړي وویل چې له یادو سیالیو یې موخه د ژمنیو لوبو پراختیا او ترویج او په ځانکړې توګه د ځوانو نجونو او هلکانو ترمنځ د سکي لوبې له لارې نړيوالو ته د سولې پیغام رسول دي.
نوموړي زیاته کړه، تمه ده چې سبا د کب په ۹ د سکي لسګونه داخلي او بهرني لوبغاړي یو له بل سره سیالي وکړي.
د هغه په وینا، د نن ورځې د ښځو برخې په سیالو کې، ناظمې خیرزاد، بېګم او فریبا په ترتیب سره لومړى، دویم او درېيم ځایونه خپل کړل.
همداراز د لرګي د سکي برخې په سیالیو کې رحمت الله، یاسین او نصیرالله په ترتیب سره لومړی، دویم او درېیم ځایونه خپل کړي دي.
د «سکی افغان» د سیالیو د لسمې دورې اتلې ناظمه خیرزاد پژواک ته وویل چې له دوو کلونو راهیسي د سکي لوبه کوي او خوښه ده چې په دغه ډول سیالیو کې یې ګډون کړی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن