مزارشريف ( پژواک،۱۰کب ۹۸) : مزارشريف کې د ماشومانو د روزنې د يوه مرکز پنځو ماشومانو د ياد مرکز محافظ وژلی او خپله تښتېدلي دي.
د بلخ د امنيه قوماندانۍ وياند عادل شاه عادل د کب په ۱۰مه، پژواک ته وويل چې دغه پېښه تېره شپه په مزار ښار کې رامنځته شوې ده.
هغه زياته کړه، دغه ماشومان د بېلابېلو جنايي جرايمو په تور نيول شوي وو او دا چې عمرونه يې له اتلسو کلونو څخه کم وو؛ نو د ماشومانو د روزنې په ځانګړي مرکز کې ساتل کېدل.
د عادل په خبره، د ياد مرکز محافظ د خپلې پيرې پر مهال د ماشومانو له خوا په چل نيول کېږي، چې وروسته يې وژلی دی.
نوموړى وايي : (( محافظ يې نيولی او د پړي او د پتلون کمربند په وسيله يې زندۍ کړی او وژلی دی.))
د بلخ د امنيه قوماندانۍ وياند زياتوي چې د محافظ له وژلو وروسته دغه ماشومان په تېښته بريالي شوي دي.
د هغه په وينا، پوليسو هڅې پيل کړي، چې د روزنې له مرکزه تښتېدلي ماشومان بېرته ونيسي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن