د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ټرمپ: افغانان دې د سولې له اوسني فرصته ګټه واخلي

ټرمپ: افغانان دې د سولې له اوسني فرصته ګټه واخلي

Feb 29, 2020 - 12:05

کابل (پژواک،١٠ کب ٩٨): د امريکا ولسمشر ډونالډ ټرمپ له افغانانو غوښتي چې د سولې لپاره له رامنځته شوي فرصته اعظمي ګټه پورته کړي.

په و اشنګټن کې له سپينې ماڼۍ د کب په ١٠مه په يوه خپره شوې خبرپاڼه کې راغلي چې ١٩ کاله مخکې امريکايي سرتېري په دې موخه افغانستان ته ولاړل چې هلته د هغو ترهګرو رېښې وباسي چې پر امريکا د سپټمبر په بريدونو کې يې لاس درلود.

خبرپاڼې د امريکا د ولسمشر ډونالډ ټرمپ له خولې ليکلي: ((د خپلو پياوړو سرتېرو، امريکايي ماليه ورکوونکو او د افغانستان د خلکو د قربانيو په بدل کې مو ډېرې ښې لاسته راوړنې او پرمختګونه لرل.))

ټرمپ ويلي، د تېرو ټاکنو پر مهال يې له خپل ولس سره ژمنه کړې وه چې له افغانستانه به خپل سرتېري کور ته راولي او د افغانستان اوږده جګړه به پاى ته رسوي، اوس د دې ژمنو په عملي کولو کې د پام وړ پرمختګونه شوي.

د هغه په وينا، د بهرنيو چارو وزير مايک پومپيو قطر ته روان شوى، څو هلته له طالبانو سره د امريکا د تړون ننداره وکړي ، دغه راز ددفاع وزير مارک سپير له افغان حکومت سره د يوې ګډې اعلاميې خپرولو په موخه کابل ته تللى دى .

د امريکا ولسمشر ويلي، که چېرې افغان حکومت او طالبانو پر خپلو ژمنو عمل وکړي نو امريکا به د دې جګړې په ختمولو او خپلو سرتېرو ايستلو باندې بريالۍ شي.

ټرمپ زياته کړې، دا ژمنې له القاعدې، داعش او نورو ترهګرو څخه د پاک او يوه نوي افغانستان لپاره د دوامدارې سولې پر وړاندې مهم اقدامات دي.

هغه هم دا ويلي، دا اوس په خپله په افغانانو پورې تړاو لري چې د خپل راتلونکي په اړه کار وکړي او له دغه ستر فرصته اعظمي استفاده وکړي.

نوموړي په ډاګه کړ، له طالبانو سره کېدونکى تړون په افغانستان کې د امريکايي سرتېرو د قربانيو او سرښندنو په برکت ممکن شوى دى، چا چې د امريکا او افغانستان د ښې راتلونکي لپاره ورکړي دي.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking