ولسمشر غني ننګرهار ته ولاړ

جلال اباد (پژواک، ١٣ کب ٩٨): ولسمشر محمد اشرف غني د يوه لوړپوړي دولتي پلاوي په ملتيا ننګرهار ولايت ته سفر کړی دی.

د ننګرهار د والي وياند عطاالله خوږياڼي د کب په ١١مه پژواک خبري اژانس ته وويل چې ولسمشر محمد اشرف غني نن سهار د دغه ولایت جلال اباد ښار ته رسېدلى دى.

هغه وايي چې له نوموړي سره د مشرانو جرګې رئيس فضل هادي مسلميار، د ملي امنيت سلاکار حمدالله محب، يو شمېر وزيران او نور لوړ پوړي چارواکي ملتيا کوي.

د هغه په وينا، ولسمشر به د ننګرهار له والي، ختيځ زون نظامي شورا غړو، مېرمنو، علماوو او قومي مشرانو سره بېلابېلې غونډې ولري.

ده زياته کړه چې ولسمشر غني به په يوه لويه غونډه کې د ننګرهار خلکو ته وينا هم وکړي.

login or register a new account.