جلال اباد (پژواک، ١٤ کب ٩٨): د کورنيو چارو سرپرست وزير مسعود اندرابي وايي، د افغان ملي دفاعي ځواکونو وړتياوې ډېرې شوې او اوس د جګړې ترڅنګ عامه امن ته هم ډېره پاملرنه کوي.
نوموړي دغه څرګندونې له ولسمشر سره ننګرهار ته د سفر پر مهال پرون جلال اباد کې له پژواک خبري اژانس سره په ځانګړې مرکه کې وکړې.
هغه زياته کړه، د هر کال په تېرېدو سره د افغان ملي امنيتي او دفاعي ځواکونو وړتياوې او د دوى ترمنځ همغږي زياتېږي.
نوموړى وايي، د هوايي ځواک، کومانډو قوه او د پوليسو ځانګړي قطعات د لوړې سطحې عملياتي ظرفيت ته رسېدلي دي او د سږ کال په جګړو کې دا هر څه ثابت شول.
د ده په وينا، طالبانو ويلي وو چې سږ کال به د الفتح عملياتو پر مهال د ولاياتو او ولسواليو مرکزونه او ښارونه نيسي، خو هغوى په دغه کار کې ناکام شول او برعکس اته ولسوالۍ له طالبانو ونيول شوې.
د کورنيو چارو وزير وويل چې دوى له دفاعي حالته يرغليز حالت ته تللي دي.
ده زياته کړه: ((د افغانستان دولت زموږ نړيوالو همکارانو امريکا او ناټو سره ستراتيژيک تړونونه لري، څو ورځې مخکې د ناټو سکرترجنرال او امريکا د دفاع وزير ګډه اعلاميه کې پر پخوانيو ژمنو ټينګار وکړ. ))
هغه وويل، پوليس د قانون د تنفيذ په برخه کې ډېر فعاليت کوي، دغه راز د عامه امن، نشه يي توکو او جنايي جرمونو ضد مبارزې پر ضد پاملرنه او جدي اقدامات کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن