د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هرات کې د اهل تشیع هغه جوماتونه چې خلاصه فضا نه لري، وتړل شول

هرات کې د اهل تشیع هغه جوماتونه چې خلاصه فضا نه لري، وتړل شول

Mar 22, 2020 - 16:57

هرات ښار (پژواک، ۳ وری ۹۹): په هرات کې د اهل تشیع یو شمېر جوماتونه چې د لمانځه کولو لپاره ازاده فضا نه لري، د کرونا ویروس د مخنیوي په موخه د لمونځ کوونکو پر مخ وتړل شول.

په هرات کې د اهل تشیع جوماتونو مرستیال محمد عیسی قرباني نن په دغه ولایت کې پژواک خبري اژانس ته وویل چې په حج او اوقافو ریاست کې د علماوو له ناستې وروسته پر دې پرېکړه وشوه، هغه جوماتونه چې د لمونځ کوونکو لپاره خلاصه فضا نه لري، ودې تړل شي.

د نوموړي په خبره، د اهل تشیع یو شمېر جوماتونه د ازادې فضا نه درلودو اله امله، د لمونځ کوونکو پر مخ تړل شوي دي.

هغه زیاته کړه چې د ځان ساتل فرض دي او پر کرونا ویروس له اخته کېدو د مخنیوي لپاره یې دغه پرېکړه کړې ده.

د هغه په خبره، که د کرونا ویروس د ډېر خپرېدو له امله وضعیت بدتر شي، هغوي تیار دي چې ټول جوماتونه وتړي او لمونځ کوونکي خپل لمنځونه په کورونه کې ادا کړي.

قرباني زیاته کړه، هغه جوماتونه چې خلاصه فضا  لري، لمونځ په کې ادا کېږي.

دغه پرېکړه د شعیه عالمانو له خوا په داسې حال کې کېږي چې په هېواد کې پر کرونا د و کسانو اخته کسانو شمېر د ډېرېدو په حال کې دی.

د عامې روغتیا د معلوماتو له مخې، تر اوسه په هېواد کې د کرونا ۳۴ مثتبې پېښې ثبت شوې چې ۱۸ یې په هرات ولایت کې دي.

د یادونې ده، کرونا ویروس  (کوید ١٩) د لومړي ځل لپاره درې میاشتې مخکې په چین کې خپور شو او اوس مهال د نړۍ ۱۶۰ هېوادونو ته رسېدلی دی.

د روغتیا سازمان د معلوماتو پر اساس، تر اوسه په ټوله نړۍ کې د دې ناروغۍ له امله ۱۳زره کسان مړه او د اخته شويو کسانو له ډلې يې ٣٠٠ بېرته روغ شوي دي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan