د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

​"که کابل ښاریان له کرځبندیزه سرغړونې ته دوام ورکړي، پولیس به مداخله وکړي"

​"که کابل ښاریان له کرځبندیزه سرغړونې ته دوام ورکړي، پولیس به مداخله وکړي"

Mar 28, 2020 - 15:01

کابل (پژواک، ۹ وری ۹۹): د عامې روغتیا وزارت وايي، که چېرې د کابل خلک د ګرځېدو په برخه کې د کابينې له لوري پر تصويب شوې طرحې عمل ونه کړي، امنيتي ځواکونه به لاس پر کار شي.

کابينې پرون يوه طرحه تصويب کړه چې له مخې یې سره له ننه په کابل ښار او ولسواليو کې پر ګرځېدو او ځينو نورو برخو محدويتونه وضع شوي خو تر ډېره کابل ښاريانو دغه محدويتونه نه دي عملي کړي.

د اړوندې موضوع په اړه د عامې روغتيا وزارت ویاند وحیدالله مایار د وري په نهمه په کابل کې د یوې خبري غونډې پر مهال وویل چې خلک باید د عامې روغتیا له وزارت سره مرسته وکړي او له خپلو کورونو بايد له اړتيا پرته بهر ونه وځي.

هغه زياتوي: ((که څه هم نن لومړۍ ورځ ده خو په نورو ورځو کې که خلک ګرځېدا کمه نه کړي، امنيتي ځواکونه به لاس په کار شي.))

د نوموړي د معلوماتو له مخې، په ټول هېواد کې له ٣٠ ولایتونو تر اوسه د کرونا ناورغۍ ۱۰۲۰ شکمنې پېښې ثبت شوې چې له دې ډلې د ناتو د څلورو سرتېرو په ګډون ۱١٠ مثبتې دي چې پنځه تنه يې بېرته جوړ شوي هم دي.

هغه زیاته کړه چې له اړتیا سره سم به له ښوونځيو، مذهبي اماکنو او داسې نورو ځايونو د کرونا ناروغانو د قرنطين کولو لپاره ګټه واخيستل شي.

مایار زیاتوي، که چېرې د ناروغانو شمېر لوړ شي نو د روغتيايي کارکوونکو او همدارنګه د بسترونو شمېره به هم لوړه کړاى شي.

د یادونې ده، په افغانستان کې په تېرو ٢٤ ساعتونو کې د کرونا ويروس ۱۴ مثبتې پېښې ثبت شوې دي.

بايد و ويل شي چې په هېواد کې تر اوسه درېيو کسانو د کرونا ناروغۍ له امله خپل ژوند له لاسه ورکړى دى.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking