د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

برېښنا شرکت له يوه مخابراتي شرکت سره دوه تړونونه لاسلیک کړل

برېښنا شرکت له يوه مخابراتي شرکت سره دوه تړونونه لاسلیک کړل

Mar 29, 2020 - 18:45

کابل (پژواک ١٠ ورى ٩٩): د افغانستان برېښنا شرکت او د افغان بیسیم مخابراتي تر منځ د برېښنا پایو په کرایه ورکولو او د نوري فایبر مزي په کرایې ورکولو دوه تړونونه لاسلیک شول.

دغه مطلب د برېښنا شرکت له خوا پژواک خبري اژانس ته په رالېږل شوې خبرپاڼه کې راغلى ا زياته کړې يې ده چې تړونونه د افغانستان برېښنا شرکت عمومي اجرائیوي رئیس انجنیر امان الله غالب او په افغانستان کې د افغان بیسیم مخابراتي شرکت د عامل رئیس مرستیال تر منځ لاسلیک شول.

سرچينه زياتوي، د دې تړونونو له مخې به د افغانستان برېښنا شرکت د نوري فایبر هغه مزی چې د سب سټېشنونو نښلون لپاره یې مخکې له مخکې د لوړ ولټاژ پایو کې نصب کړی و، اوس یې دوه مزي د دې هوکړه لیک له مخې د افغان بیسم مخابراتي شرکت ته د انټرنټ خدمتونو لپاره په کرایه ورکړل شول.

سرچينه کاږي، دغه راز د افغانستان برېښنا شرکت او افغان بیسیم مخابراتي شبکې تر منځ د ټیټ او منځني ولټاژ برېښنا پایې د انټرنټ مزي غځولو لپاره په کرایې ورکولو تړون د لسو کلو لپاره هم د دواړو لوریو د مشرتابه تر منځ لاسلیک شو.

په خبرپاڼه کې زياته شوې چې په دې تړون سره د کابل ښار دننه د ټیټ ولټاژ برښنا ټولې پایې په میاشتنۍ ډول د ۲۰۰ ډالرو په ارزښت په کرایې ورکړل شوې.

د برېښنا شرکت وايي، مخابراتي شبکو ته د انټرنټ مزي غځولو لپاره د برېښنا پایو په کرایه ورکولو په اړه له اوږدې مودې د افغانستان برښنا شرکت او اړوندو مخابراتي شرکتونو تر منځ د همغږۍ ګڼې ناستې او پر تخنیکي اړخونو یې خبرې اترې شوي دي.

د سرچينې په حواله، د برېښنا پایو له لارې د انټرنټ مزو لېږد په اړه د افغانستان برېښنا شرکت په مشرتابه د سوداګرۍ او صنایعو وزارت، د مخابراتو وزارت د نوري فایبر څانګې، افغان ټيلیکام مخابراتي شبکې، د احصایې ملي ادارې او د تدارکاتو په ګډون د ګڼو نورو اړوند ادارو استازو سره مشورتي ناستې جوړې شوې دي، چې د ټولو اړخونو له وړاندیزونو او مشورو وروسته یاده موضوع د هېواد اقتصاد عالي شورا ته د عمومي پرېکړې لپاره وړاندې شوه.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking