د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پلخمري کې د کابل برېښنا يوه پايه چپه شوې

پلخمري کې د کابل برېښنا يوه پايه چپه شوې

Mar 31, 2020 - 15:59

پلخمري (پژواک، ۱۲ وری ۹۹): د بغلان د مرکز پلخمري په ډنډ شهاب الدین سیمه کې د تېز باد او باران له امله له ازبکستانه کابل ته د وارداتي برېښنا یوه پايه چپه شوې ده.

د بغلان د برېښنا شرکت رئیس انجنیر عبدالاول د وري په ۱۲ مه پژواک خبري اژانس ته وویل، د پلخمري اړوند ډنډ شهاب الدین سیمه کې له ازبکستان هېواده کابل ته د تللې وارداتي برېښنا یوه پايه چپه شوې ده، خو د برېښنا لېږد یې نه دی بند.

ده زياته کړه، چپه شوې برېښنا پايه چا ویشتلې نه ده، تېر کال په جګړو کې تخریب شوې وه، نن د تېز باد او باران له امله یو خوا پرېوتې، هڅه کوي پر کابل د برېښنا له بندښت پرته یې بېرته ودروي.

د هغه په وينا، سیمه د وسله والو طالبانو لاس لاندې ده، کاري ټیم یې د بېرته رغولو لپاره چمتو دی، خو د امنیتي ګواښ له منځه وړلو وروسته به یې سیمې ته واستوي.

د ډنډ شهاب الدین سیمې یو اوسېدونکی سید رحیم وايي، شېبه وړاندې یې په کلي کې د برېښنا ستره پايه نسکوره شوه.

د ده په خبره، هومره باد او باران نه دی شوی چې دغه ستره پايه ړنګه کړي، د چاودنې غږ هم نه دی اورېدل شوی چې سړی ووايي الوځول شوې به وي، ښايي چې سمه رغول شوې نه وه یا هم له دې وړاندې تخریب شوې چې لږ باد یې بهانه شو.

له دې وړاندې په یاده سیمه کې درې ځله د همدې وارداتي برېښنا پايو مزي غوڅ کړل شوي وو.

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan