کابل(پژواک، ۱۳ وری ۹۹): امنیت شورا وايي، د حکومت یوه تخنیکي ډله کابل کې د طالبانو له پلاوي سره له تیرې ورځې راهیسې د بندیانو خلاصولو په تړاو خبري کوي.
د طالبانو وياند ذبيح الله مجاهد تېره ورځ په خپل ټوېټر پاڼې لیکلي و چې د طالب بندیانو د انتقال لپاره د دوی درې کسیز تخنیکي ټیم کابل ته رسېدلی دی.
د افغانستان امنیت شورا ویاند جاوید فیصل نن رسنیو ته په یوه لیږل شوي وېډيويي پیغام کې ویلي چې د افغان حکومت ځانګړې تخنیکي او کاري ډله له پرون ورځې را پدیخوا کابل ته د طالبانو د راغلي پلاوي کوربتوب کوي.
دی وايي، د حکومت دغه ټیم د طالبانو له پلاوي سره د بندیانو خلاصولو په تړاو خبرې کوي او پرېکړه شوې چې نن به هم دا خبرې دوام ولري.
د ده په وینا، د حکومت او طالبانو په دې ګډه کتنه کې د نړیوال سره صلیب استازي د کتونکو په توګه برخه لري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن