د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

احمدزی: پاکستان کې به میشتو افغان کډوالو سره د کرونا مخنیوي لپاره مرسته وشي

احمدزی: پاکستان کې به میشتو افغان کډوالو سره د کرونا مخنیوي لپاره مرسته وشي

Apr 01, 2020 - 21:03

کابل (پژواک، ۱۳ وری ۹۹) :  په پښتونخوا کې افغان کونسلجنرال د ملګرو ملتونو د کډوالو عالي کمشنرۍ سره په افغان کډوالو کې د کرونا د مخنیوي پر اقداماتو خبرې کړې دي.

په  خیبر پښتونخوا کې د افغانستان کونسلجنرال نجیب الله احمدزي د وري په ۱۳مه، پژواک خبري اژانس ته وویل چې په دغه ایالات کې یې د ملګرو ملتونو د کډوالو عالي کمشنرۍ له استازي برنارډ انکوم سر ه ولیدل او د افغان کډوالو پر ستونزو او د کرونا وبا له امله پر رامنځته شویو حالاتو او مرستو خبرې وکړې.

هغه زیاته کړه چې له نوموړي يې وغوښتل چې په سختو حالاتو کې چې اکثره خلک قرنطین او پر کارونو بندیز لګول شوی، له افغان کډوالو سره د مرستو برنامې جوړې کړي او په افغان کډوالو کې هم ددې ویروس د مخنیوي لپاره اقدامات وشي.

د نوموړي په وینا، د کډوالو د عالي کمشنري ورته ډاډ ورکړ چې له افغان کونسلګرۍ سره به پر هماهنګۍ د افغان کډوالو ستونزو ته رسیدګي وکړي ، د کرونا مخنیوي او وقایه کې هم همکاري کوي.

بلخوا د پاکستان حکومت هم اعلان کړی چې په دغه هیواد کې  دننه بې کوره شوو کورنیو اوافغان کډوالو ته به هم د کرونا ویروسو څخه د ځپل کیدو له امله مرستې ورکوي.

دپاکستان دسرحدونو د چارو ددولت وزیر شهریار اپریدي  نن خبریالانو ته ویلي چې لومړي وزیرعمران خان  د کرونا د مخنیوي او مرستو لپاره ۲۰۰ ملیارده کلدارو بودیجه ځانګړې کړې چې یوه اندازه یې پر افغان کډوالو هم لګول کیږي.

شهریار اپریدي ویلي په خیبر پښتونخوا،سندهـ اؤ بلوچستان ایالت کې به هغه دافغان کډوالو کیمپونو ته پخپله ورځي او حکومت هغوی سره هم د مرستې دپاره ګامونه اخلي.

دملګرو ملتونو دکډوالو د ادارې یو این ایچ سي ار د شمیرو له مخې په پاکستان کې دا مهال په راجسټرډ توګه ۱۴لکه افغان کډوال میشت دي خو ددې ترڅنګ داسې سلګونه زره نور  افغان کډوال هم هلته مزشت دی.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking