کابل (پژواک، ۱۳ وری ۹۹): د ولسي جرګې غړی او د رحماني بنسټ مشر اجمل رحماني د کرونا ویروس د مخنیوي په موخه د کابل، پروان او ځینو ولایتونو کې د زرګونو تنو بې وزلو خلکو سره له۵۰ زرو څخه ډېر ماسک او دستکشې، ضد عفوني توکي، د اړمنو کورنیو سره د خوراکي توکو او په هرات کې د کرونا ناروغانو د درملنې په موخه د هرات د والي عبدالقیوم رحیمي په حضور کې دوه میلیونه افغانۍ د دغه ولایت د عامې روغتیا له ریاست سره مرسته کړې ده.
اجمل رحمانی به آژانس خبرى پژواک گفت: از این که وضعیت به دلیل شیوع ویروس کُرونا ( COVID- 19 ) در کشور نگران کننده است، به حیث شهروند متعهد و مسلمان از هیچ نوع تلاشی برای کمک به مردم دریغ نخواهم کرد.
اجمل رحماني پژواک خبري اژانس ته وویل دا چې د کرونا ناروغۍ د خپرېدو له امله وضعيت د انديښني وړ دی د یو ژمن هېوادوال او مسلمان په توګه به د خلکو سره د هېڅ راز مرستې څخه ډډه ونه کړي.
اجمل رحماني زیاته کړه دا چې په هېواد کې د کرونا ویروس خپریدل یو ګواښ دی، نو د مخنیوي لپاره به یې هر ډول مرستې او نور اقدامات کوي.
ده وویل: ” زموږ کارکوونکو د کرونا د مخنیوي او وقایې په اړه هم خلکو ته معلومات ورکړي دي. “
د رحماني بنسټ مشر وایي، د اړتیا پر مهال به خپلې ودانۍ هم د کرونا ناروغانو د درملنې په موخه د عامې روغتیا وزارت په واک کې ورکوي، څو له دې لارې د هیواد والو ښه خدمت وکړی شي.
د اجمل رحماني لخوا دا مرستې په داسې حال کې شوي چې په هیواد کې د کرونا نا روغۍ له امله څلور تنه مړه او ۱۹۶ تنه پرې اخته شوي دي.
د افغانستان حکومت په کابل او یو شمیر ولایتونو پر ګرځیدو بندیز لګولی چې له امله یې یو شمیر له اقتصادي ستونو سره مخامخ شوي دي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن