د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: راتلونکې کابینه کې به ټول هېوادوال خپل ځانونه وویني

ولسمشر غني: راتلونکې کابینه کې به ټول هېوادوال خپل ځانونه وویني

Apr 02, 2020 - 22:20

کابل (پژواک،۱۴وری ۹۹): ولسمشر غني د ولسي جرګې له رئیس او اداري پلاوي سره نن مازیګر په ارګ کې وکتل.

له ارګ څخه پژواک اژانس ته په رالیږل شوې خبرپاڼه کې راغلي چې ولسمشر محمد اشرف غني نن مازدیګر د ولسي جرګې له رئیس میررحمان رحماني او اداري پلاوي سره په سلامخانه ماڼۍ کې وکتل. سرچینه وايي چې په پیل کې د ولسي جرګې رئیس میررحمان رحماني، لومړي نایب میرزا کټوازي، دویم نایب عباس ابراهیم زاده او نایب منشي حجت الله خردمند له کرونا ویروس سره د مبارزې او د سولې پروسې برخه کې د حکومت په ځانګړي ډول د جمهوررئیس غني د هلو ځلو قدرداني وکړه.

هغوی وویل، د هېواد په دغه حساس پړاوو کې چې هېوادوال د کرونا ویروس خپرېدو او د سولې پروسې ناڅرګند برخلیک ته اندېښمن دي، هیله ده چې سیاسي اختلافات په معقول ډول حل شي او ټول سیاسیون د هېواد د پرمختګ او د خلکو د هوساینې لپاره ګډ کار او هلې ځلې وکړي. یادو ویناوالو د درې ګونو قواوو د همغږۍ او همکارۍ د لا زیاتوالي، له فرصتونو څخه د پر وخت استفادې، د ملي شورا استازو سره د دوامداره او کاري ناستو په اړه خپل وړاندیزونه شریک کړل.

جمهوررئیس غني د ولسي جرګې مشرتابه او استازو ته د ښه راغلاست ترڅنګ د اداري پلاوي د ټاکلو مبارکي وویله او د دولت د درې ګونو قواوو ترمنځ همغږي، همکاري او متقابل درناوی یې حتمي او مهم وباله.

جمهوررئیس وویل، له کومې ورځې چې په هېواد کې د کرونا ویروس پېښه ثبت شوې، له هغه وروسته کرونا ویروس سره د مبارزې او د هېوادوالو د خوندیتوب په موخه لسګونه غونډې شوي او لا هم په دې اړه زموږ تمرکز او کار ادامه لري. جمهوررئیس غني وویل، ټول باید د سولې موضوع جدي وګڼي، ترڅو باعزته او تلپاتې سولې ته چې زموږ د هېوادوالو لویه غوښتنه ده ورسېږو او په هېواد کې د څلورو لسیزو روان جنګ او ناورین په اساسي توګه پای ته ورسېږي.

جمهوررئیس وویل، په راتلونکې کابینه کې به ټول هېوادوال خپل ځانونه وویني، د اهلیت او کفایت په اساس به د هېواد مطرح سیاسي او علمي شخصیتونو ته د خدمت زمینه برابره شي. هغه زیاته کړه، شته بحرانونه باید په تدبیر مدیریت او له فرصتونو څخه د هېواد او هېوادوالو د ثبات، پرمختګ او سوکالۍ لپاره اعظمي ګټه واخیستل شي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking