د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د عامي روغتيا وزارت په کابل کې د ډېرو محدويتونو د وضع کولو غوښتنه وکړه

د عامي روغتيا وزارت په کابل کې د ډېرو محدويتونو د وضع کولو غوښتنه وکړه

Apr 04, 2020 - 15:35

کابل (پژواک، ۱۶ وری ۹۹): د عامې روغتيا وزارت وايي چې د‌ کرونا ويروس په ټولنه کې په چټکۍ سره د خپرېدو په حال کې دې نو په پلازمینې کابل کې بايد د قيوداتو کچه لوړه شي.

د عامې روغتيا وزارت وياند وحيدالله مايار د وري په ۱۶ مه کابل کې د يوې خبرې غونډې پر مهال وويل چې هره ورځ د کرونا ويروس په مثبتو پېښو کې ډېروالى راځي نو خلک بايد د عامې روغتيا وزارت سپارښتنو ته جدي پاملرنه وکړي.

دی وايي چې په ولايتونو په ځانګړي ډول په پلازمينه کابل کې د کرونا د مخنيوي په برخه کې وضع شوي محدويتونه بسنه نه کوي.

د نوموړي په وينا په هرات ولایت کې ډیری خلک د عامې روغتيا وزارت سپارښتنو ته جدي پاملرنه کوي، نو ځکه په دغه ولايت کې د کرونا ناروغۍ د مثبتو پېښو په شمېره کې کموالى تر سترګو کيږي.

مايار انديښنه وښوده: ((که چېرې خلک کرونا ويروس جدي ونه نيسي د مثبتو پېښو شمېره به ډېره لوړه شي.))

دغه څرګندونې په داسې حال کيږي چې نن د کابل والي او د امنيې قوماندانۍ چارواکو هم د يوه کنفرانس پرمهال وويل که چېرې د کابل خلک د کرونا د مخنيوي په برخه کې وضع شوي محدويتونه مراعت نه کړي، دوى به له جدي غبرګون څخه کار واخلي.

د يادونې وړ ده تر اوسه په ټول هېواد کې ۲۲۸۸ شکمنې پېښې ثبت شوي چې له دې ډلې ۲۹۹ مثبت دي.

بايد و ويل شي چې تر اوسه ټول هېواد کې د کرونا له ناروغۍ څخه اووه کسانو خپل ژوند له لاسه ورکړى دى.

د عامې روغتيا چارواکي وايي چې دغو اوو کسانو عمرونه لوړ وو او ترڅنګ يې د سږو، پښتورګو، قلبي او تنفسي ناروغۍ هم درلودې.

 

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan