د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

افغانستان کې د کرونا ناروغۍ مثبت پېښې ۴۲۳ ته ورسېدې

افغانستان کې د کرونا ناروغۍ مثبت پېښې ۴۲۳ ته ورسېدې

Apr 07, 2020 - 10:05

 کابل (پژواک، ۱۹ وری ۹۹): د افغانستان د عامې روغتیا وزارت وایي، له ۵۶ نویو پېښو سره په هېواد کې د کرونا ناروغانو شمېر ۴۲۳ تنو ته ورسېد.

 د عامې روغتیا وزارت سلاکار ډاکټر وحیدالله مایار نن د وري په ۱۹مه، پژواک خبري اژانس ته وویل چې، دغه ۵۶ نوي پېښې په هرات، کابل، کندهار، بلخ او ننګرهار ولایتونو کې ثبت شوی دي.

د ده د معلوماتو له مخې، له دغو ۵۶ پیښو څخه ۲۷ په هرات، ۱۲ په کابل، ۱۰ په کندهار، پنځه په بلخ او دوې په ننګرهار ولایت کې ثبت شوي دي.

 هغه زیاته کړه، چې دې سره په هیواد کې د ټولو مثبتو پېښو شمېر ۴۲۳ تنو ته ورسید.

د عامې روغتیا وزارت د معلوماتو له مخې، تر اوسه په هېواد کې د کرونا ناروغې له امله لس کسان مړه او ۱۸ کسان روغ شوي دي.

د کرونا ويروس چې شاوخوا څلور مياشتې مخکې لومړى د چين په اوهان ښاره خپور شو، اوس د نړۍ  شاوخوا ۲۰۱ هېوادونو ته خپور شوى دی.

 په لومړيو مياشتو کې پر دې ناروغۍ تر ټولو زيات چينايان اخته او مړه شول، خو اوس دا ناروغي په چين کې کنټرول شوې، خو په اروپا او امريکا کې په ډېرې تېزۍ سره د خپرېدو په حال کې ده.

د نړيوالو سرچينو په حواله چې د کرونا ناروغۍ په اړه معلومات او ارقام خپروي، تر اوسه په ټوله نړۍ کې پر دې ناروغۍ څه باندی یو میلیون او درې سوه زره کسان اخته شوي او شاوخوا ۷۴زره او ۷۰۰ کسان مړه شوي دي.

د راپورونه له مخې، په ټوليزه توګه پر کرونا ناروغۍ له اخته کسانو شاوخوا ۲۸۴ زره او اته سوه کسان بیرته روغ او خپل عادي ژوند ته راګرځېدلي دي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan