د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ګڼې ګوڼې د زياتوالي له امله زرګونه افغانان له روغتيايي او امنيتي چيک پرته له تورخمه واوښتل

د ګڼې ګوڼې د زياتوالي له امله زرګونه افغانان له روغتيايي او امنيتي چيک پرته له تورخمه واوښتل

Apr 07, 2020 - 11:26

جلال اباد (پژواک ۱۹ وری ۹۹):  تورخم دروازه چې د کرونا ويروس له امله تړل شوې وه ، نن سهار مسافرینو پر دروازه هجوم وروړی دروازه يې خلاصه کړې او زرګونه افغانان له کوم روغتيايي او امنيتي چيک پرته هيواد ته راستانه شوي دي.

د ننګرهار ولايتي ادارې وار له مخې پرېکړه کړې وه چې هر راتلونکی شخص به له ۱۴ ورځو نيولې تر ۲۱ ورځو په تورخم کې قرنطين کېږي؛ خو دا پرېکړه خپله ولايتي ادارې پرون د ورځې تر پايه ماته او هلته قرنطين شوي نږدې زر کسان يې بېرته را خوشې کړل.

تورخم دروازه چې څه د پاسه مياشت وړاندې تړل شوې وه او هلته په زرګونو افغان مسافر بند پاتې و، تېرو دوو ورځو کې يې ځانونه تر تورخم دروازې رارسولي و خو په دروازه کې د زرو کسانو د پرېښودو محدود له امله د لسو زرو په شاوخوا کې مسافر له دروازې هغې غاړې ولاړ و.

د تازه راپورونو له مخې نن سهار (د وري په ۱۹مه) مسافرو په دروازه هجوم وړی، دروازه يې خلاصه/ماته کړې او له کوم روغتيايي او امنيتي چيک پرته افغان خاورې ته دننه شوي دي.

په تورخم کې د افغان کميسارۍ مرستيال څارمن محمد امين پژواک اژانس ته وويل، زرګونه مسافر چې شمېر به يې نږدې لسو زرو ته رسېده نن سهار د تورخم په دروازه دېخوا راواوښتل.

دی وايي: ((هلته يې په دروازه هجوم وړی و، پاکستاني مسولين مجبور شوي چې دروازه يې ورته پرانېسته، موږ هم د دې توان نه درلود چې د ټولو مخنيوی وکړو. همداسې بې چيکه لاړل.))

د کميسارۍ د مرستيال په وينا افغان خاورې ته د را اوښتو کسانو شمېر زيات و نو ځکه خو يې دوی په مخنيوي کې پاتې راغلل او ښايي ګڼ شمېر کسانو ځانونه تر جلال اباد ښاره هم رسولي وي.

بلخوا د تورخم ښاروال وايي، له پرونه يې اندېښنه درلوده چې پاکستاني ځواکونه به همداسې يو چلند کوي چې په زيات شمېر کې افغانان به يو ځل ورپرېږدي چې له کوم چېک پرته هيواد ته ستانه شي.

زيارمل افغان پر خپله فيسبوک پاڼه ليکلي چې يو شمېر داخلي زورواکو او مافيايي کړيو له پاکستاني حکومت سره لاس يو کړی او داسې يوه ستونزه يې رامنځته کړې ده.

ده هم تاييد کړې چې د لسو زرو په شمېر کې مسافرين پر پاسپورټونو له دخولي ټاپو وهلو پرته هيواد ته ستانه شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking