د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د دوو قومونو ترمنځ د ځمکې پر سر شخړې درې کسان وژلي او لس ټپيان دي

ننګرهار کې د دوو قومونو ترمنځ د ځمکې پر سر شخړې درې کسان وژلي او لس ټپيان دي

Apr 07, 2020 - 19:13

جلال اباد (پژواک ۱۹ وری ۹۹):  د ننګرهار دوربابا او نازيانو ولسواليو د قومونو ترمنځ د ځمکې پر سر شخړه شوې چې له امله يې درې کسان وژل شوي او لس نور ټپيان دي.

امنيتي چارواکي وايي، سيمې ته رسېدلي او جګړه يې مهار کړې ده خو د ملامت او سلامت معلومولو لپاره هڅې روانې دي.

د ننګرهار د والي وياند عطاء الله خوږياڼي د وري په ۱۹مه پژواک اژانس ته وويل، چې نن تر غرمې وروسته د دغه ولايت د دوربابا او نازيانو ولسواليو د خلکو ترمنځ د ځمکې د مالکيت پر سر خپلمنځي نښته شوې ده.

دی وايي، په دغه نښته کې درې کسان وژل شوي او يو شمېر نور ټپيان دي.

بلخوا د ننګرهار د عامې روغتيا رياست وياند ظاهر عادل پژواک ته وويل چې له يادې نښتې د غني خېلو ولسوالۍ روغتون ته درې جسدونه او لس ټپيان انتقال شوي چې تر درملنې لاندې دي.

د ننګرهار د امنيه قوماندانۍ وياند فريد خان بيا وايي، امنيه قوماندان او يو شمېر نور امنيتي مسولين د پېښې ځای ته ورغلي، جګړه مهار شوې خو د ملامت او سلامت معلومولو هڅې روانې دي.

نوموړي وويل، دا چې ستونزه څنګه رامنځته شوې په اړه به يې وروسته معلومات شريک کړي.

د نازيانو ولسوالۍ يو قومي مشر ملک امان الله هم پژواک سره خبرو کې پېښه تاييد کړه خو په دې اړه يې نور جزيات ورنکړل.

خو د دوربابا ولسوالۍ يو قومي مشر ملک ورېښمين پژواک ته وويل چې د نازيانو ولسوالۍ د سيمه ييزو پوليسو قوماندان ملک دهقان د يو ډاګ د مالکيت دعوه کړې او د دوربابا ولسوالۍ يو شمېر کسان يې مړه او ټپيان کړي هم دي چې اوس د ننګرهار امنيه قومندان د ستونزې د حل او روغې جوړې په موخه ورغلی دی.

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan