د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پاکستان له افغانستانه دداعش ډلې دنیول شوي مشر د سپارلو غوښتنه وکړه

پاکستان له افغانستانه دداعش ډلې دنیول شوي مشر د سپارلو غوښتنه وکړه

Apr 09, 2020 - 19:05

کابل (پژواک، ۲۱ وری ۹۹) : پاکستان له افغانستان څخه غوښتي دي چې دداعش ډلې د خراسان څانګې د نیول شوي مشر د نورو پلټننو لپاره ورته وسپاري.

 د افغانستان د ملي امنیت لوی ریاست د وري په ۱۶مه، خبر ورکړی و چې دداعش خراسان څانګې مشر اسلم فاروقي یې له ۲۰ نورو قوماندانانو او غړو سره نیولی دی.

سرچینې زیاته کړې وه، اسلم فاروقي چې اصلي نوم یې عبدالله اورکزی و، د کوزې پښتونخوا د اورکزۍ ایجنسې اوسیدونکی له یو شمیر نورو پاکستانیانو سره د ځآنګړو ځواکونو په عملیاتو کې نیول شوی.

ملي امنیت ویلي وو، چې نوموړي نورو سیمه ییزو او نړیوالو ترهګرو  سره اړیکې لرلې او د افغانستان ترڅنګ په پيښور ښار کې یې هم ترهګریز فعالیتونه کړي وو.

د پاکستان د بهرنیو چارو وزارت لخوا د وري په ۲۱مه، پژواک اژانس ته په یوه استول شوې خبرپاڼه کې راغلي چې نن یې په اسلام اباد کې د افغانستان سفیر عاطف مشعل یې غوښتی و، او ترې یې د اسلم فاروقي د سپارلو غوښتنه کړې  ده.

سرچینې زیاته کړې چې پاکستان تل په افغانستان کې دداعش ډلې پر فعالتیونو خپلې اندیښنې له افغان حکومت سره شریکې کړې دي.

په خبرپاڼه کې راغلي ، داچې اسلم فاروقي په افغانستان کې د پاکستان ضد فعالیتونو کې ښکېل و، دوی غواړي چې له هغه څخه د نورو پلټنو لپاره پاکستان ته وسپارل شي.

دافغانستان حکومت تر اوسه په دې اړه غبرګون نه ښودلی.

نښه: 

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan