د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیا کې د کرونا څلور نور پېښې هم ثبت شوې

پکتیا کې د کرونا څلور نور پېښې هم ثبت شوې

Apr 09, 2020 - 10:41

ګردیز (پژواک، ۲۱ وری ۹۹):  د پکتیا حکومتي مسوولین وایي چې په دغه ولایت کې پر کرونا د یوه اخته ناروغ د کورنۍ څلور نور غړي هم دغې ناروغۍ نیولي دي.

د پکتیا د والي ویاند عبدالله حسرت د وري په ۲۱ مه پژواک خبري اژانس ته وویل چې په دغه ولایت د کرونا ناروغۍ څلور تازه پېښې ثبت شوي دي.

هغه وویل چې دغه څلور تنه پر کرونا ناروغۍ د اخته یو بل ناروغ د کورنۍ غړي دي.

ده زیاته کړه چې د دغو پېښو په ثبتیدو سره پکتیا کې پر کرونا د اخته کسانو شمیر نهو ته ورسیده.

ده وویل: (( د عامې روغتیا وزارت له هدایت سره سم مونږ د ناروغ د هویت او د استوګنې ځای په اړه معلومات نه شو ورکولای.))

خو پکتیا کې یوې بلې سرچینې پژواک ته وویل چې دغه کورنۍ په څکمنۍ ولسوالۍ کې اوسیږي.

د یادونې وړ ده چې تر اوسه په هیواد د کرونا ویروس شاوخوا درې زره شکمنې پېښې ثبت شوي چې ۴۴۴ یې مثبت دي.

د یادو پېښو له ډلې څخه ۱۵ تنه مړه شوي خو ۲۰ نور بیا بیرته روغ شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan
Maiwand Bank - Just Banking