زرنج (پژواک، ۲۲ غویی ۹۹): سرچینې وایي چې د نیمروز ولایت د امنیه قوماندانۍ د امنیت مدیر جمال الدین د ۵۰ زره افغانیو رشوت اخیستو په تور نیول شوی دی.
د نیمرزو د امنیه قوماندانۍ یوه باوري سرچینه چې نه غواړي په راپور کې یې نوم یاد شي، پژواک خبري اژانس ته وویل چې جمال الدین تېره ورځ شاخوا ۶ بجې ونیول شو.
سرچینه وايي:"جمال الدین د ۵۰ زره افغانیو رشوت اخیستو پر مهال له بشپړو اسنادو او اخیستو پیسو سره د ملي امنیت ریاست کارکونکو او موظف څارنوال له خوا د زرنج ښار په مرکز کې ونیول شو."
هغه زیاته کړه، جمال الدین په همدې ډول د پیسو په نورو اخیستو کې هم لاس درلود او اوس مهال د ملي امنیت تر څېړنې لاندې دی .
د ملي امنیت یوې باوري سرچینې هم دغه موضوع منلې او وايي چې په اړه به یې جزئیات له څېړنو وروسته رسنیو سره شریک شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن